I a de prèmis que, segon lo vejaire, pòdon èsser de vertadièrs bonaürs o d’autenticas calamitats. Es lo cas de l’“operacion d’interès nacional” (OIN) que lo govèrn francés a aprovat e qu’impulsa sus la plana de Var, lo darrièr endrech plan que demòra encara verge dins lo territòri de la municipalitat de Niça. L’operacion, de granda envergadura urbanistica e apelada formalament “Éco-Vallée” (Ecovalada), a una presumida intencionalitat ecologica e sostenabla. La tòca es d’urbanizar tot un sector e de lo dotar de servicis “verds” amb d’indústrias basadas sus la tecnologia neta.
Una OIN es una operacion dirigida de París estant e que s’acompanha totjorn d’un investiment colossal. Dins aquel sens, d’autras OINs fòrça conegudas dins la Republica son lo complèxe de La Défense de París o l’Euromediterranèa de Marselha. Es per aquò que las autoritats municipalas, departamentalas e regionalas an aculhit lo projècte amb granda jòia.
Lo plan prevei de bastir una gara TGV, de bastissas d’abitatge, d’infrastructuras estradièras, un centre d’exposicion de 80 000 mètres cairats, divèrses centres educatius e de recèrca, un estadi esportiu amb capacitat per mai de 35 000 espectators e una seguida d’ostalariás per aculhir las massas que vesitaràn l’endrech. Es previst d’inaugurar qualques unas d’aqueles investiments, se tot va segon lo plan previst, al mitan de 2013. De rebucada, la comuna de Niça desvoloparà, al sud de l’OIN, un granda zòna d’activitats de mai de 370 000 mètres cairats. Coma totjorn, lo projècte nòu s’acompanha de promesas de creacion d’emplecs: 10 000 pòstes a tèrme cort e 50 000 a tèrme long.
Malgrat que, sus los 10 000 ectars afectats, solament se n’urbanizarà 450, lo projècte a levat de protèstas entre qualques sectors socials de l’endrech. Los grops que s’opausan a l’OIN afirman que lo projècte es faraonic e que s’es projectat sens un procès sufisent de reflexion. Per aquò, la principala tòca del collectiu OIN Plana de Var es de reclamar un debat public, dobèrt e liure entre las administracions e los ciutadans per avalorar lo besonh global del plan e de qualques unas de las intervencions especificas que s’i vòl far.
Per exemple, lo futur estadi aurà un còst previst de 380 milions d’èuros, que pagaràn los contribuents. Mas, segon lo collectiu, l’Estadi dau Rai, l’autre estadi de la vila qu’existís ja, s’emplís amb pas mai de 10 000 personas, çò que fa qu’emplir las nòvas 35 000 plaças previstas serà una quimèra e una faiçon inutila de degalhar los sòus.
Coma es previsible, la resisténcia màger ven de las familhas afectadas que vivon e trabalhan la tèrra afectada. Cal pas desmembrar que las tèrras de l’OIN son pas èrmas, mas qu’an una nauta valor agricòla e que i a de familhas que las trabalhan dempuèi de generacions. Per aquò las primièras expropriacions se son aculhidas amb amarum e amb de protèstas, mentre que lo movement de resisténcia comença de s’organizar.
| Laurenç Revest
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A prepaus de l'OIN, estrach de "Pantainfò" dau 4 de junh dau 2012 21 oras (1era difusion) sus la Ràdio www.nissapantai.com
1/ Actualitat política :
A l’escadença dei votacions legislativi que si debaneran lo 10 de junh que vèn, lo collectiu « OIN Plana de Var » a decidit d’interpelar toi lu candidats e toti li candidatas ai legislativi sus li segonda, quinta e seisena circonscripcions, per li questions seguenti :
Siatz per ò contra l’Operacion d’Interés Nacional sus la Plana de Var, compte tengut notantament dei problemàticas agricòli, environamentali e legali que fan part de l’enjuèc ?
Coma avètz reagit à l’anonça de l’OIN e cen qu’avètz fach despí lo sieu projèct de creacion fins à aüra ?
Quora serètz elegit deputat, coma preveètz d’agir faça à l’OIN Plana de Var ?
Ensin, davant l’absença totjorn tant persistenta de concertacion pública e ciutadana sus l’ensèms dei projècts faraonics ilegals e financierament escandalós, lo collectiu soeta metre lu candidats davant li sieu responsabilitats e precisa que li sieu respoastas seran rendudi públiqui. L’absença de respoasta serà considerada coma una aprovacion de l’OIN e de l’ensèms dei projèct que s’en rapoàrton. Lo collectiu contunha la luta tant que li seran pas de concertacions públiqui e ciutadani, e convida cadun à lo rajónher sus lu sitis : collectif-oin-plaineduvar.over-blog.com
2/ Actualitat economica e sociala :
Totjorn à prepau de l’OIN Plana de Var : una crida en linha es estada mesa en plaça per demandar d’arrestar sus lo còup lu projècts en cors ò que vènon, ensin que per n’en exigir una debat ciutadan. Rapelam que lo projèct arroïnerà lu Nissarts e lu estatjants de la futura metropòli, manderà foara dau País lu pichins e mejans revenguts per que n’en rèston que lu mai rics e farà montar lu impoasts, ja otragoament auts, per bastir un blòc de beton destinat à la recèrca dau « ben èstre ». Tra lu projècts mai escandalós en rapoart emé l’OIN figúron :
Lo poart de Sant Laurenç e de Cròs de Canhas qu’arroïnerà lu 50 pescadors per permetre d’acuelhir de bateus per Còrsega encara mai gròs ; doncas augmentacion dau tràfegue dei toristas que faran que passar ; deviacion de l’embocadura de Var qu’alimenta actualament en plancton e autres nutriments d’espèças protegiadi.
L’agrandissament de l’aeropoart e lo conjongiment embé l’estacion de tren e lo trambalan implícon la construccion d’enòrmes tanquers de querosènes sus de zònas inondabli ; en cas de creissuda de Var, tota la plana de Var e la Mediteranea conoisseran una catastròfa ben mai pèjor qu’aquela de l’Erica.
Lo desplaçament dau MIN devèrs La Gauda provoquerà un novèu tràfegue suplementari.
Lo Gran Estadi es un gorc financier per lo contribuable : 245 milions d’èuros de buget iniciau da pagar sus 27 ans e 5 més, cen que fa mai de 600 èuros per personas ; es l’estadi mai costós per l’UEFA 2016 ; à-n-aquò cau ajónher lu 60 milions d’èuros de la via de 40 metres. Lo solet qu’aprofiterà d’aqueu projèct es l’entrapresa privada Vinci à cu lo partenariat Public-Privat causit per aquesta operacion assegura una remuneracion minimum meme se la frequentacion de l’estadi per lu machs de fotbòl non aganterà li 35.000 plaças previsti. A Nissa li es un solet estadi : aqueu dau Rai, e la sieu reabilitacion coasta solament 55 millions d’èuros.
La construccion de miliers de lotjaments fins à Sant-Laurenç de Var alora que li son ja 25.000 lotjaments vuèis à Nissa…
Li entrapresas delocalisadi que en temps de crisi económica mondiala seran foarça utili alora que li son de desenaus de bureus da afitar à Sant Augustin e que lu comèrcis de promiera necessitat à Nissa son toti à picar dau cuu.
Lo collectiu exige doncas la preservacion dei tèrras agricòli vist que Nissa a solament 10% de sobeiranetat alimentària e qu’en cas de mancança per que rason que sigue, l’agricurtura locala porra pas alimentar que 10 personas sus 100. La proteccion de la biodiversitat es una autra revendicacion : li zònas Natura 2000, protegiadi da la legislacion europea, seran menaçadi dai projècts d’arangiament de la plana de Var. En mai d’aquò lu projècts meneran à la polucion de la toalha freàtica de Var qu’alimenta cada jorn de centenaus de miliers d’estatjants. Lo projèct faraonic OIN-Plana de Var es estat bastit segond de principis d’arangiament qu’exíston dau temps que Berta filava, sensa minga inovacion e progrés ecologic. Lo betonatge dei darrieri tèrras fertili dau país seria una catastròfa per la noastra seguretat alimentària. Mai que mai avèm toi da besonh d’una concertacion pública e que s’arrèston lu travalhs de bastiment. Per mai d’informacion, podètz contactar lo « collectiu OIN Plana de Var per un debat ciutadan » en escrivent à collectifoinplaineduvar@gmail.com, ò en anant sus lo siti http://collectif-oin-plaineduvar.over-blog.com E sobretot, non mancar de firmar la crida en linha contra l’OIN.
Urosament qu'avem de decideires politics que pènsan per lo ben dal paure pòble.
E chal ren pensar a l'avenir, vist qu'es ecologic lo betum. Serà de betum "a l'anciana" fach "a la man" dins lo respeit de la "tradicion" bitumiera côtedazuriana ...
Se trobam de causas arqueologicas, las gardarem de costat, farem lèu lèu las bastiás istòria de perdre darren de temps per de parpelas d'aiaças.
Un jorn ò l'autre se trobarà segurament un argumentari nòu que dirà que Dinha porrà èstre la banlega de Niça. Viva l'urbanisacion continua, que d'aicí 5 ans belèu se pausarem plus la question, se avem plus d'abelhas e de polinisacion, manjarem de betum, salça de noses...
Coma cantava lo nòstre trobador Maurís :
O la mieu paura Nissa
As perdut la flor
A la tieu joinessa
Ieu penserai totjorn
Canti pus li montanhas
Cuberti d'estacions
Li tieu verdi colinas
Son pleni de maions.
...
N'en an fach un molon de promessas subre lor modernitat, coma lo parpalhon de nuech s’en son calats vers lu lumes de la vila e se son fretolhat li alas. Son anats cercar la bòna plaça, dins la DDE, dins l’administracion.
D’autres emígran ancara mai luench.
Non i avia d’avenir dins l’agricurtura per lu païsans dau país nòstre dins lor monde de competicion e de productivitat. Un pauc mai tardi, nen an dich que la solucion era lo torisme mas necessitat d'investiments ; aüra an vendut l’ostal, lu jaçs, un molon de maions. Mas tanben lo torisme fuguet un fiasco.
Una maudicion plana subre nòstre país despí cent cinquant annadas : lo torisme e lo sieu corolari l especulacion fonciera e imobiliara que nen a despolhats de la terra.
Segur qu’un pòple que vende la sieu terra vende tanben la sieu ànima, mas eravam un pòple desesperament vinçut.
Encuei la maudicion continua, ambé l’OIN de la plana dau Var.
Lo metòde de nòstres politicians « Côte d’Azur » per en acabar ambé la plana dau Var es
l’arnatge dau terren. Començant d’aquí, d’alhà a despostar lu òrts per en faire d’eissarts urbans pi far de constructions de zònas comerciali ò de remèsas industriali.
Pi après fan li carrieras e lu camins per lu camionàs.
Per fin, de metre quauques projeits dich « d’Utilitat Publica » e quauques grans projeits ; « Estadi, Pòrt, Universitat Privadi ».
Una fes quauqui isoletas de terra fertila e de natura enclavadi, non se necessita de li protegir. Avanti, beton e bitume !
Lo mieu grand paire me diía que si lu nissarts non avian crepat de fam en 1944 ; era gràcia ai ortatges de la plana dau Var e ai païsans dei montanhas.
Si non creëtz, interrogetz lu ancians.
Es parier per li coleras dau Var ò dau Palhon.
Mas lu nòstres politicians an la remembrança corta ; e siam modernes aurem de Camèra de Videoproteccion « per registrar lu images.
Alora se devem de resistre per lo nòstre avenir e aqueu de nòstres pichons e pichonets.
Non a la betonisacion de la plana dau Var.
Eco-valada-OIN desbarassa la terra nissarda.
D’ortalhiers, de pescadors, si ! dau beton : Basta.
Per sortir de la maudicion que tòca lo nòstre país de montanha se necessita de reconquistar li terras fertili e l’aiga mas tanben blocar la betonisacion e la especulacion.
#7 E de la participacion a queu centralisme de l'eleit occitana per lo seu prestigi personau au pais mai quauques sòus per los amics... Estrosi, Ciotti, Vauzelle, tots de consent per queu projecte !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
A prepaus de l'OIN, estrach de "Pantainfò" dau 4 de junh dau 2012 21 oras (1era difusion) sus la Ràdio www.nissapantai.com
1/ Actualitat política :
A l’escadença dei votacions legislativi que si debaneran lo 10 de junh que vèn, lo collectiu « OIN Plana de Var » a decidit d’interpelar toi lu candidats e toti li candidatas ai legislativi sus li segonda, quinta e seisena circonscripcions, per li questions seguenti :
Siatz per ò contra l’Operacion d’Interés Nacional sus la Plana de Var, compte tengut notantament dei problemàticas agricòli, environamentali e legali que fan part de l’enjuèc ?
Coma avètz reagit à l’anonça de l’OIN e cen qu’avètz fach despí lo sieu projèct de creacion fins à aüra ?
Quora serètz elegit deputat, coma preveètz d’agir faça à l’OIN Plana de Var ?
Ensin, davant l’absença totjorn tant persistenta de concertacion pública e ciutadana sus l’ensèms dei projècts faraonics ilegals e financierament escandalós, lo collectiu soeta metre lu candidats davant li sieu responsabilitats e precisa que li sieu respoastas seran rendudi públiqui. L’absença de respoasta serà considerada coma una aprovacion de l’OIN e de l’ensèms dei projèct que s’en rapoàrton. Lo collectiu contunha la luta tant que li seran pas de concertacions públiqui e ciutadani, e convida cadun à lo rajónher sus lu sitis : collectif-oin-plaineduvar.over-blog.com
2/ Actualitat economica e sociala :
Totjorn à prepau de l’OIN Plana de Var : una crida en linha es estada mesa en plaça per demandar d’arrestar sus lo còup lu projècts en cors ò que vènon, ensin que per n’en exigir una debat ciutadan. Rapelam que lo projèct arroïnerà lu Nissarts e lu estatjants de la futura metropòli, manderà foara dau País lu pichins e mejans revenguts per que n’en rèston que lu mai rics e farà montar lu impoasts, ja otragoament auts, per bastir un blòc de beton destinat à la recèrca dau « ben èstre ». Tra lu projècts mai escandalós en rapoart emé l’OIN figúron :
Lo poart de Sant Laurenç e de Cròs de Canhas qu’arroïnerà lu 50 pescadors per permetre d’acuelhir de bateus per Còrsega encara mai gròs ; doncas augmentacion dau tràfegue dei toristas que faran que passar ; deviacion de l’embocadura de Var qu’alimenta actualament en plancton e autres nutriments d’espèças protegiadi.
L’agrandissament de l’aeropoart e lo conjongiment embé l’estacion de tren e lo trambalan implícon la construccion d’enòrmes tanquers de querosènes sus de zònas inondabli ; en cas de creissuda de Var, tota la plana de Var e la Mediteranea conoisseran una catastròfa ben mai pèjor qu’aquela de l’Erica.
Lo desplaçament dau MIN devèrs La Gauda provoquerà un novèu tràfegue suplementari.
Lo Gran Estadi es un gorc financier per lo contribuable : 245 milions d’èuros de buget iniciau da pagar sus 27 ans e 5 més, cen que fa mai de 600 èuros per personas ; es l’estadi mai costós per l’UEFA 2016 ; à-n-aquò cau ajónher lu 60 milions d’èuros de la via de 40 metres. Lo solet qu’aprofiterà d’aqueu projèct es l’entrapresa privada Vinci à cu lo partenariat Public-Privat causit per aquesta operacion assegura una remuneracion minimum meme se la frequentacion de l’estadi per lu machs de fotbòl non aganterà li 35.000 plaças previsti. A Nissa li es un solet estadi : aqueu dau Rai, e la sieu reabilitacion coasta solament 55 millions d’èuros.
La construccion de miliers de lotjaments fins à Sant-Laurenç de Var alora que li son ja 25.000 lotjaments vuèis à Nissa…
Li entrapresas delocalisadi que en temps de crisi económica mondiala seran foarça utili alora que li son de desenaus de bureus da afitar à Sant Augustin e que lu comèrcis de promiera necessitat à Nissa son toti à picar dau cuu.
Lo collectiu exige doncas la preservacion dei tèrras agricòli vist que Nissa a solament 10% de sobeiranetat alimentària e qu’en cas de mancança per que rason que sigue, l’agricurtura locala porra pas alimentar que 10 personas sus 100. La proteccion de la biodiversitat es una autra revendicacion : li zònas Natura 2000, protegiadi da la legislacion europea, seran menaçadi dai projècts d’arangiament de la plana de Var. En mai d’aquò lu projècts meneran à la polucion de la toalha freàtica de Var qu’alimenta cada jorn de centenaus de miliers d’estatjants. Lo projèct faraonic OIN-Plana de Var es estat bastit segond de principis d’arangiament qu’exíston dau temps que Berta filava, sensa minga inovacion e progrés ecologic. Lo betonatge dei darrieri tèrras fertili dau país seria una catastròfa per la noastra seguretat alimentària. Mai que mai avèm toi da besonh d’una concertacion pública e que s’arrèston lu travalhs de bastiment. Per mai d’informacion, podètz contactar lo « collectiu OIN Plana de Var per un debat ciutadan » en escrivent à collectifoinplaineduvar@gmail.com, ò en anant sus lo siti http://collectif-oin-plaineduvar.over-blog.com E sobretot, non mancar de firmar la crida en linha contra l’OIN.
[...]
Ep ! lo concors de fotografia de vacanças a debutat ?
Urosament qu'avem de decideires politics que pènsan per lo ben dal paure pòble.
E chal ren pensar a l'avenir, vist qu'es ecologic lo betum. Serà de betum "a l'anciana" fach "a la man" dins lo respeit de la "tradicion" bitumiera côtedazuriana ...
Se trobam de causas arqueologicas, las gardarem de costat, farem lèu lèu las bastiás istòria de perdre darren de temps per de parpelas d'aiaças.
Un jorn ò l'autre se trobarà segurament un argumentari nòu que dirà que Dinha porrà èstre la banlega de Niça. Viva l'urbanisacion continua, que d'aicí 5 ans belèu se pausarem plus la question, se avem plus d'abelhas e de polinisacion, manjarem de betum, salça de noses...
Coma cantava lo nòstre trobador Maurís :
O la mieu paura Nissa
As perdut la flor
A la tieu joinessa
Ieu penserai totjorn
Canti pus li montanhas
Cuberti d'estacions
Li tieu verdi colinas
Son pleni de maions.
...
N'en an fach un molon de promessas subre lor modernitat, coma lo parpalhon de nuech s’en son calats vers lu lumes de la vila e se son fretolhat li alas. Son anats cercar la bòna plaça, dins la DDE, dins l’administracion.
D’autres emígran ancara mai luench.
Non i avia d’avenir dins l’agricurtura per lu païsans dau país nòstre dins lor monde de competicion e de productivitat. Un pauc mai tardi, nen an dich que la solucion era lo torisme mas necessitat d'investiments ; aüra an vendut l’ostal, lu jaçs, un molon de maions. Mas tanben lo torisme fuguet un fiasco.
Una maudicion plana subre nòstre país despí cent cinquant annadas : lo torisme e lo sieu corolari l especulacion fonciera e imobiliara que nen a despolhats de la terra.
Segur qu’un pòple que vende la sieu terra vende tanben la sieu ànima, mas eravam un pòple desesperament vinçut.
Encuei la maudicion continua, ambé l’OIN de la plana dau Var.
Lo metòde de nòstres politicians « Côte d’Azur » per en acabar ambé la plana dau Var es
l’arnatge dau terren. Començant d’aquí, d’alhà a despostar lu òrts per en faire d’eissarts urbans pi far de constructions de zònas comerciali ò de remèsas industriali.
Pi après fan li carrieras e lu camins per lu camionàs.
Per fin, de metre quauques projeits dich « d’Utilitat Publica » e quauques grans projeits ; « Estadi, Pòrt, Universitat Privadi ».
Una fes quauqui isoletas de terra fertila e de natura enclavadi, non se necessita de li protegir. Avanti, beton e bitume !
Lo mieu grand paire me diía que si lu nissarts non avian crepat de fam en 1944 ; era gràcia ai ortatges de la plana dau Var e ai païsans dei montanhas.
Si non creëtz, interrogetz lu ancians.
Es parier per li coleras dau Var ò dau Palhon.
Mas lu nòstres politicians an la remembrança corta ; e siam modernes aurem de Camèra de Videoproteccion « per registrar lu images.
Alora se devem de resistre per lo nòstre avenir e aqueu de nòstres pichons e pichonets.
Non a la betonisacion de la plana dau Var.
Eco-valada-OIN desbarassa la terra nissarda.
D’ortalhiers, de pescadors, si ! dau beton : Basta.
Per sortir de la maudicion que tòca lo nòstre país de montanha se necessita de reconquistar li terras fertili e l’aiga mas tanben blocar la betonisacion e la especulacion.
#7 E de la participacion a queu centralisme de l'eleit occitana per lo seu prestigi personau au pais mai quauques sòus per los amics... Estrosi, Ciotti, Vauzelle, tots de consent per queu projecte !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari