Actualitats
Aquesta dimenjada Tolosa es capitala occitana de l’erotisme
Lo salon Eropòlis se debana uèi e deman al Fieral de las Mòstras
Aquesta dimenjada, Tolosa se mudarà en capitala occitana de l’erotisme. Uèi dissabte 29 e deman dimenge 30 de novembre al Fieral de las Mòstras se debanarà lo salon de l’erotisme nomenat Eropòlis.
Lo salon s’organizarà en dos espacis. Un primièr dich “tot public” ont camparàn de quantitats de taulièrs que s’i poiràn veire, comparar e comprar tota mena d’articles erotics: vestits e sosvestits, joguets sexuals, decoracions, DVD, libres, revistas, etc. Lo segond espaci, dich “caud” (“hot”), presentarà de shows erotics, de filmatges pòrnos, de lap dance, de sesilhas d’striptease —dins lo cas individuals— per òmes e femnas, de sesilhas de dedicacions de qualques actors e actrises X e un teatre lesbian. L’actritz pòrno occitana Clara Castèl, musa del productor de filmes Marc Dorcel, farà un espectacle d’striptease.
Aqueste salon es organizat per la societat francesa Eropolis, situada a Lilla, que se fa una especialitat de l’organizacion de salons e d’eveniments erotics. Dempuèi qualques annadas, aquela entrepresa de 40 emplegats e d’un volum d’operacion annual de 5 milions d’èuros s’es facha una brava reputacion amb lors tornadas dels salons Eropòlis. Mai d’una vila occitana los a vistes passar, mas los que se debanan a Marselha e Tolosa son los mai correguts e los mai estenduts.
Lo prètz de la bilheta de dintrada es 12 èuros e dona accès als dos espacis e a totes los shows.
TL
Lo salon s’organizarà en dos espacis. Un primièr dich “tot public” ont camparàn de quantitats de taulièrs que s’i poiràn veire, comparar e comprar tota mena d’articles erotics: vestits e sosvestits, joguets sexuals, decoracions, DVD, libres, revistas, etc. Lo segond espaci, dich “caud” (“hot”), presentarà de shows erotics, de filmatges pòrnos, de lap dance, de sesilhas d’striptease —dins lo cas individuals— per òmes e femnas, de sesilhas de dedicacions de qualques actors e actrises X e un teatre lesbian. L’actritz pòrno occitana Clara Castèl, musa del productor de filmes Marc Dorcel, farà un espectacle d’striptease.
Aqueste salon es organizat per la societat francesa Eropolis, situada a Lilla, que se fa una especialitat de l’organizacion de salons e d’eveniments erotics. Dempuèi qualques annadas, aquela entrepresa de 40 emplegats e d’un volum d’operacion annual de 5 milions d’èuros s’es facha una brava reputacion amb lors tornadas dels salons Eropòlis. Mai d’una vila occitana los a vistes passar, mas los que se debanan a Marselha e Tolosa son los mai correguts e los mai estenduts.
Lo prètz de la bilheta de dintrada es 12 èuros e dona accès als dos espacis e a totes los shows.
TL
Eropolis from Terric Lausa on Vimeo.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per chifrar, un article en francés (traduch de l'anglés) contra la pornografia: http://www.liberation.fr/societe/2014/11/27/pourquoi-j-ai-arrete-le-porno_1152043
#10 Macarèl! Mercés per l'informacion sus" Flamenca". Fa temps que lo cercavi. Es ora d'o publicar!
#1 Cal far plan atencion a çò que d'autors occidentals que s'inventan "orientalistas", coma Alain Danielou (e autres "esoteristas" de supermercat) vos venon contar de çò que seriá lo tantrisme. Se la question vos interèssa, non pas de saber si podètz ajustar una dimension siá disent "espiritala" a las vòstras relacions sexualas, mas plan exactament de saber a qué corrspond a de bon lo shivaïsme tantric de Kashmir, i descobrirètz un univèrs cultural e cultual compausat a 95% de filosofia teorica e practica, a l'encòp subre lo còs l'anma e l'esperit, per son que 5% de sexualitat de tot biais mestresada. E s'aquò vos non descoratja pas, vos consèlhi de legir lo tantrisme dirèctament jos la pluma del sieu filosòfe refenrencial, Abinavagupta, especialista de la non-dualitat.
A, non sètz pas pro orientals ni indoïsta per cabussar pro plan dins aqueste afar ? Alavètz, per ajustar un bon part d'espiritalitat occitana dins la vòstre sexualitat, tornatz legir lo Roman nòstre, en lenga nòstra, lo de Flamenca, que ven tot bèl just d'èsser publicat tornar mai a la colleccion Lettres Gothiques.
A Rodés, l'Estivada, a Tolosa, es tibada :D
#7 Es important que Jornalet garde una presentacion compatibla amb un public familiau e infantil. La presentacion d'aqueste article rèsta dins lei limits acceptables. Lo vidèo auriá pas caugut que foguèsse mai suggestiu. Cresi qu'es un bòn equilibri coma aquò.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari