Per un reportatge sus Chornobyl per la cadena CBS, los autors n’an preparat un vidèo que pòrta un nòu ponch de vista sus l’accident nuclear mai grèu de l’istòria, fa vint e uèch ans. S’es enregistrat amb un dròne e, doncas, balha una vision dempuèi lo cèl de la zòna evacuada e barrada a l’accès dempuèi aquel temps, mai que mai de la vila fantauma de Prypiat, a tres quilomètres de l’anciana centrala nucleara e que, après la catastròfa de 1986, demorèt desèrta.
 
Lo reportatge combina d’imatges de las carrièras desèrtas o de l’interior de bastissas abandonadas amb de vidèos faches dempuèi lo cèl, enregistrats per un aparelh sens esquipatge qu’aviá un captor per detectar la possibla preséncia de radioactivitat.