Era Equipa Vitaldent Aran, qu'ei venguda, per merits pròpris, ua des equipes mès importantes a nivèu estatau, enes categories Elite e sub-23.

 

Aguesta sason s’a confegit ua equipa fòrça joena, enfocada clarament ara formacion des naues valors, e dera implicacion des ciclistes dera Val d’Aran, entà dar-les projeccion e arténher er objectiu d’acabar formant ciclistes damb projeccion professionau, coma ei eth cas d’Ibon Zugasti, integrant dera equipa Vitaldent Aran era passada sason, qu’enguan a hèt eth saut ath ciclisme professionau, e competirà damb eth Start Cycling Team.

 

Era equipa que compde enguan damb eth sosten e eth patrocini deth Conselh Generau d’Aran, Vitaldent, Torisme Val d’Aran, Ajuntament de Naut Aran, Baqueira Beret, e des mèrques especializades Massi e Best.

 

Aguest sosten, ei fòrça important entà, segontes eth maxim responsable de Vitaldent Aran, Manu Caseny, "dar estabilitat e continuïtat ath projècte, que compde damb licéncia nacionau des de hè tres anys, entà arténher en un periòde de dues sasons, tornar a èster un aute còp entre es mielhors dera nòsta categoria".

 

Era Equipa Vitaldent Aran, qu'ei integrat aguesta sason pes següents corredors aranesi: Ruben Caseny, Marc Cuny, José Carpintero, Jordi López, Oscar Caseny e José Manuel Moga.

 

E pes corredors de Catalonha: Josep Codinach (Banyoles), Marc Quintana (Girona), Marc Porta (Lleida), Xavier Vallvé (Tarragona)

Miquel Martínez (La Seu d’Urgell), Sergi Rierola (Manresa) e Marc Antòni Torres (Lleida).

 

Era Equipa Vitaldent Aran, que viu ua epòca renovada plia de capitades.




Conselh Generau d'Aran