Actualitats
Kendji torna arborar son catalan dins son darrièr videoclip
Kendji Girac, peiregòrd de naissença e nòrd-catalan d’origina, a presentat son primièr disc après aver ganhat dins The Voice
Kendji Girac es un dels cantaires mai coneguts de l’estat francés a l’ora d’ara. Ganhant del concors televisiu The Voice de TF1 d’ongan, lo sieu primièr album foguèt lo mai vendut pendent tota la setmana de sortida sus lo mercat, al començament de setembre. Ara ven de publicar lo videoclip de son tresen single, que se passa a Barcelona e ont lo cantaire arbora son catalan.
Elle m’a aimé es lo tresen clip de Kendji e lo primièr disc d’aquel jove gitano. Lo vidèo comença amb una convèrsa en catalan entre el e un amic per las carrièras del centre vila de Barcelona, qu’es la scèna d’aquela istòria d’amor.
Kendji nasquèt en Occitània, a Peireguers; sas originas son de Catalonha Nòrd e sa lenga mairala es lo catalan. Aital o faguèt remarcar en junh passat quand, sus TF1, rescontrèt Manuel Valls e li parlèt dins lor lenga.
Ara vaicí lo darrièr videoclip ont Kendji torna arborar lo catalan:
Elle m’a aimé es lo tresen clip de Kendji e lo primièr disc d’aquel jove gitano. Lo vidèo comença amb una convèrsa en catalan entre el e un amic per las carrièras del centre vila de Barcelona, qu’es la scèna d’aquela istòria d’amor.
Kendji nasquèt en Occitània, a Peireguers; sas originas son de Catalonha Nòrd e sa lenga mairala es lo catalan. Aital o faguèt remarcar en junh passat quand, sus TF1, rescontrèt Manuel Valls e li parlèt dins lor lenga.
Ara vaicí lo darrièr videoclip ont Kendji torna arborar lo catalan:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò me remanda a una escolana d'un dels collègis qu'i trabalhi a l'ora d'ara, l'Alícia. Pichoneta de onze ans, me venguèt trobar d'esperela, pel mièg del pati e me parlèt en catalan. M'expliquèt qu'èra caraca de Perpinhan, e que donc, la deviái compréner ! Son catalan sembla pro l'occitan de las Corbièras subre unes punts, s'aluenhant naturalament del modèl de catalan general de l'Institut d'Estudis Catalans, plan segur. E tanben, de temps en temps, entendi per sa bocas paraulas que jamai non entendi enlòc mai, ni a Barcelona, ni en Literatura. Mas a la fiertat espontanèa qu'afica l'enfantona a parlar dins sa lenga pairala, ai aitanlèu reconeguda una ciutadana catalana !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari