Actualitats
L’intelligéncia artificiala: una menaça per l’umanitat?
Stephen Hawking esmoguèt fa una setmana la premsa occidentala en declarar que l’intelligéncia artificiala poguèra significar la fin de l’espècia umana
Dins una entrevista a la BBC, lo famós astrofisician anglés Stephen Hawking esmoguèt fa una setmana la premsa occidentala en declarar que l’intelligéncia artificiala poguèra significar la fin de l’espècia umana, perque los robòts se desvolopèran solets e los èssers umans foguèran lèu-lèu despassats per una intelligéncia superiora e mai eficaça que las qu’aqueriguèron de biais biologic per lo lent procès de l’evolucion.
Paradoxalament, l’astrofisician nascut en 1942 parla uèi gràcias a un ordenador; li fa mestièr la nauta tecnologia per poder subreviure a las consequéncias grèvas de l’escleròsi laterala amiotrofica que patís despuèi los ans 1960 e que lo paralisa ara gaireben sencer.
De segur, sas declaracions fan pensar als filmes Terminator ont los umans luchan per subreviure a una civilizacion dominada per de robòts crusèls, o tanben a 2001, Odissèa de l’espaci, lo roman d’Arthur C. Clarke que Stanley Kubrick portèt al cinèma en 1968, ont lo superordenador Hal ven paranoiac e tua los astronautas, mas la comunautat scientifica es pas tota d’acòrdi amb En Hawking.
Per exemple, dins una entrevista realizada per l’AFP e citada per lo quotidian francés Le Parisien, Mathieu Lafourcade, especialista de l’intelligéncia artificiala e del tractament del lengatge a l’Universitat de Montpelhièr 2, tròba que son de paraulas alarmistas, e mai pense que nos caldrà acostumar a utilizar, sens èsser segur de las comprene, las performanças intellectualas de las maquinas. Lo filosòf Jean-Gabriel Ganascia, professor a l’Universitat Pierre e Marie Curie de París, pensa el que son pas las maquinas intelligentas qu’avèm de témer, mas lor utilizacion al servici dels interèsses malvolents dels òmes.
Totun, dins la meteissa entrevista, lo futurològ Stuart Armstrong de l’Universitat d’Oxford admet que i a fòrça incertesas e que caldriá defugir que los robòts confondèsson “eradicar la malautiá” amb “exterminar totes los malauts”, valent a dire qu’avèm d’integrar als programas de valors umanas fondamentalas.
Aquesta idèa es pas luènh de las tres leis de la robotica expausadas per l’escrivan de sciéncia-ficcion estatsunidenc d’origina russa Isaac Asimov dins son raconte Cèrcle viciós (Runaround) de 1942:
Enfin, i a un autre chepic associat al desvolopament de l’intelligéncia artificiala e de la robotica: la destruccion de milions d’emplecs. Per exemple, de redaccions —es pas lo cas de Jornalet— coma Associated Press utilizan de robòts en plaça de jornalistas per de prètzfaches particulars, çò ditz Techcrunch.
L’escrivan francés que coneissiá plan nòstre país e sa lenga, François Rabelais, nos avertissiá: “Sciéncia sens consciéncia es pas que mòrt e roïna de l’arma”.
GJB
Paradoxalament, l’astrofisician nascut en 1942 parla uèi gràcias a un ordenador; li fa mestièr la nauta tecnologia per poder subreviure a las consequéncias grèvas de l’escleròsi laterala amiotrofica que patís despuèi los ans 1960 e que lo paralisa ara gaireben sencer.
De segur, sas declaracions fan pensar als filmes Terminator ont los umans luchan per subreviure a una civilizacion dominada per de robòts crusèls, o tanben a 2001, Odissèa de l’espaci, lo roman d’Arthur C. Clarke que Stanley Kubrick portèt al cinèma en 1968, ont lo superordenador Hal ven paranoiac e tua los astronautas, mas la comunautat scientifica es pas tota d’acòrdi amb En Hawking.
Per exemple, dins una entrevista realizada per l’AFP e citada per lo quotidian francés Le Parisien, Mathieu Lafourcade, especialista de l’intelligéncia artificiala e del tractament del lengatge a l’Universitat de Montpelhièr 2, tròba que son de paraulas alarmistas, e mai pense que nos caldrà acostumar a utilizar, sens èsser segur de las comprene, las performanças intellectualas de las maquinas. Lo filosòf Jean-Gabriel Ganascia, professor a l’Universitat Pierre e Marie Curie de París, pensa el que son pas las maquinas intelligentas qu’avèm de témer, mas lor utilizacion al servici dels interèsses malvolents dels òmes.
Totun, dins la meteissa entrevista, lo futurològ Stuart Armstrong de l’Universitat d’Oxford admet que i a fòrça incertesas e que caldriá defugir que los robòts confondèsson “eradicar la malautiá” amb “exterminar totes los malauts”, valent a dire qu’avèm d’integrar als programas de valors umanas fondamentalas.
Aquesta idèa es pas luènh de las tres leis de la robotica expausadas per l’escrivan de sciéncia-ficcion estatsunidenc d’origina russa Isaac Asimov dins son raconte Cèrcle viciós (Runaround) de 1942:
1. Un robòt pòt pas far mal a un uman ni, per inaccion, permetre qu’un uman pòsca èsser en dangièr.
2. Un robòt a d’obesir als òrdres d’un èsser uman, levat se son en conflicte amb la primièra lei.
3. Un robòt a de protegir sa pròpria existéncia, levat s’aquesta proteccion es en conflicte amb las leis 1 et 2.
2. Un robòt a d’obesir als òrdres d’un èsser uman, levat se son en conflicte amb la primièra lei.
3. Un robòt a de protegir sa pròpria existéncia, levat s’aquesta proteccion es en conflicte amb las leis 1 et 2.
Enfin, i a un autre chepic associat al desvolopament de l’intelligéncia artificiala e de la robotica: la destruccion de milions d’emplecs. Per exemple, de redaccions —es pas lo cas de Jornalet— coma Associated Press utilizan de robòts en plaça de jornalistas per de prètzfaches particulars, çò ditz Techcrunch.
L’escrivan francés que coneissiá plan nòstre país e sa lenga, François Rabelais, nos avertissiá: “Sciéncia sens consciéncia es pas que mòrt e roïna de l’arma”.
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabeu que ? els ordenadors fan pudor de sucarrim!
Al mens un savi vos aurà prevenguts. Una intelligéncia artificiala non es una empatia artificiala. Quantes umans son intelligents, en comparason del nombre de mai en mai estiquit que demòra empatics ? Alavètz, pensatz, de maquinas aque pensarián d'esperelas !!! Hawkins a plan rason de se mesfisar…
Escrivètz que sa posicion es paradoxala, mas ieu o pensi pas aital. La tecnologia qu'emplega per comunicar non es brica una intelligéncia artificiala. El, e el sonque, pensa, e la maquina executa sa volontat (de comunicacion). Doncas i a pas cap paradòxe dins l'opinion del scientific.
Per quant a çò que ditz lo Pr. Laforcada de Monteplhièr, plan segur que se cal mesfisar de tota volontat de dominacion, que siá la dels umans, dels sistèmis economics golafres e jamai sadols (la creissença a o rompre tot…). Mas aquò non dispensa pas de se mesfisar d'una intelligéncia que nos seriá superiora en tèrme d'eficacitat, e que seriá copada de tota empatia. Una maquina aital seriá la materializacion tecnologica del monstre sistemic austeritari que ja avalís tota sociabilitat e coësion ciutadana en Euròpa e dins lo mond sancèr.
Res a veire amb una maquina per donar a ausir las pensadas d'un uman mut !…
Los scientifics materialistas voldrian nos remplaçar, nòstres que sem nonmas un robòt uman, per de las machinas robòts! Farian mielhs de començar per estudiar lo robòt uman avant de voler far daus robòts inferiors. Es ben la volontat de crear quauqua' ren per lo dominar. Coma si ni en avia pas pron sur aquela terra. La machina a besonh d'energia e aquela energia nos fai concurença.
Dins lo monde que ven tot çò que sera bastit emben la volontat de dominar s'esbolhara coma una tor de Babel. Prenetz consciença vòstres que setz un robòt que pensa. La pensada quo es pas ren. Qu`vos balha de las ideias. Avem en vos una fòrça que vos butit a pas esser esclau de qui que sia, a començar per los scientifics. Es vòstre volontat que fai la sciença, e totas las ideias ideologics, filosoficas o religiosas. Sufis de pensar. Si tot lo monde pensava aitau, alaidonc lo monde poria cambiar. Si degun pensi aitau lo monde cambaria pas. Serem condemnats a tornar far totjorn las mesmas errors que nos menan a las rivalitas, las gueras. Lachar prisa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari