Actualitats
Bascoat: de centenats de personas an ensajat de dificultar la detencion d’una gojata a Gernika
Jone Amezaga es condemnada a la preson per sosténer una bandieròla que fasiá allusion a ÈTA
La Cort Suprèma espanhòla ordenèt a la fin de novembre la detencion de Jone Amezaga, una gojata basca condemnada a un an e sièis meses de preson per aver fach, supausadament, una bandieròla de sosten a ÈTA qu’apareguèt a Gernika en 2012. Après dètz e nòu jorns amagada, Amezaga sortiguèt dissabte passat de son amagatalh e de centenats de personas la recebèron per las carrièras de Gernika amb de parapluèjas de color irange, en se solidarizant amb ela e en ensajant de dificultar sa detencion.
L’avocata d’Amezaga, Jone Goirizelaia, denoncièt la setmana passada una “persecucion politica” contra la gojata. Segon l’avocata, la jove Amezaga es acusada solament per una “emprenta digitala sus lo tròç de benda adesiva d’un pal que sosteniá una bandieròla que fasiá allusion a ÈTA e a Gernika”.
Just abans de sortir de son amagatalh, lo jornal Naiz la localizèt e l’entrevistèt.
Pendent tota la setmana, la plataforma Herri Librea aviá organizat a Gernika una seguida d’actes per revendicar sa libertat e en favor d’un “pòble liure”.
La polícia l'a detenguda aqueste matin coma podètz veire dins lo vidèo seguent:
L’avocata d’Amezaga, Jone Goirizelaia, denoncièt la setmana passada una “persecucion politica” contra la gojata. Segon l’avocata, la jove Amezaga es acusada solament per una “emprenta digitala sus lo tròç de benda adesiva d’un pal que sosteniá una bandieròla que fasiá allusion a ÈTA e a Gernika”.
Just abans de sortir de son amagatalh, lo jornal Naiz la localizèt e l’entrevistèt.
Pendent tota la setmana, la plataforma Herri Librea aviá organizat a Gernika una seguida d’actes per revendicar sa libertat e en favor d’un “pòble liure”.
La polícia l'a detenguda aqueste matin coma podètz veire dins lo vidèo seguent:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un pauc coma s'anèssem secutar los ancians partisans de la Resisténcia estant qu'avián defenduda l'idèa de resistir a l'opression de l'ultradreita al poder… Euròpa tota sembla s'acaminar cap a d'endemans negres que negrasses.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari