Ièr, diluns de matin, un òme armat sequestrèt pendent 16 oras aperaquí 30 personas dins un cafè de Sydney, en Austràlia. Las obliguèt de se plaçar d’esquina a las fenèstras e de sosténer una bandièra negra amb la shahada. D’en primièr òm aviá pensat qu’èra la bandièra de l’Estat Islamic, mas après se confirmèt qu’o èra pas.
 
Lo sequestrator telefonèt a una ràdio de la vila per dire que i aviá de bombas repartidas per tota la vila e que las podiá far esclatar. Sul pic las autoritats evacuèron qualques bastissas de la ciutat, dont la celèbra Opèra. La polícia i negocièt del temps que de centenats de policièrs se desplegavan per las carrièras del centre vila.
 
Fin finala la polícia intrèt dins lo cafè. Segon los mèdias locals s’entendèt lo bruch de las armas de fuòc e qualque explosion. I poiriá aver qualques ferits. Lo bilanç es de tres personas mòrtas, dont un es l'autor de la sequestracion, e tres en estat critic.
 
La polícia ditz qu’a identificat l’autor de la sequestracion mas a pas volgut difondre son identitat publicament. Pr’aquò, segon Reuters e qualques mèdias locals, s’agís de Man Haron Monis, un refugiat iranian condemnat per qualques delictes sexuals que s’autoproclamèt clergue musulman. Man Haron Monis es tanben conegut per aver mandat de letras menaçantas a las familhas de qualques soldats australians mòrts en Afganistan.
 
 
Campanha sus Twitter contra l’islamofobia
 
Pendent la sequestracion, d’usatgièrs australians de Twitter lancèron una campanha espontanèa contra l’islamofobia en emplegant l’etiqueta #illridewithyou. Los twittaires mostrèron lor sosten a lors vesins musulmans en s’ofrissent de los acompanhar dins los autobuses o los trens, per evitar que foguèsson victimas d’atacs islamofòbs.
 
 
 

fffff		fffff
	De bandièras amb la shahada   La fotografia dels ostatges sostenent amb las mans una bandièra negra, amb la profession de fe islamica, a causat fòrça impacte. Ça que la, aquela bandièra a pas forçadament un sens politic.   La shahada (en arabi الشهادة = ash shahāda, derivat de shahida, “testimoniar”) es una frasa que constituís la profession de fe de l’islam e es lo primièr dels cinc pilars qu’aquela religion se fonda dessús. Los musulmans la dison cada jorn dins lors pregàrias e es tanplan la formula qu’òm deu recitar per se convertir a l’islam.   La traduccion de la shahada es “I a pas cap de dieu levat Dieu e Maomet es son profèta”. Fa referéncia a la nocion de basa de l’islam: l’unitat e l’unicitat de Dieu. La prononciar de manièra sincèra se considèra sufisent per qu’una persona siá considerada musulmana.   L’importància de la shahada dins la vida dels musulmans es fòrça granda e a un simbolisme important. Es pr’amor d’aquò que se pòt trobar sus qualques bandièras en representant d’idèas diferentas. Cal prene en compte tanben que la tradicion musulmana conselha de reproduire pas de formas vivas e, per contra, dona fòrça valor a la calligrafia.     Bandièra de l’Arabia Saudita   Lo Reialme d’Arabia Saudita reprodutz la shahada sus la bandièra acompanhada d’una espasa que significa qu’aquel país defend los endreches sagrats (La Mèca e Medina). La bandièra deu aver las doas caras cosudas de tala faiçon que lo tèxt se pòsca plan legir dempuèi totes los ponches d’agach. Tradicionalament la color verda es estada associada a l’islam.     Bandièra de Somaliland   Aquel estat, que se declarèt independent de Somalia, a tanben la shahada dins la franja superiora de la bandièra, justament sus la color verda.     Bandièra de l’Emirat Islamic d’Afganistan   En 1997 los talibans proclamèron un Emirat Islamic en Afganistan, que durèt qualques meses. La bandièra portava tanben la shahada, mas sus la color blanca.     Bandièra d’Iraq   L’actuala bandièra d’Iraq incorpora solament la frasa “Dieu es grand” dins una calligrafia dicha cofica, qu’es considerada la mai anciana de l’escritura aràbia, originària de la vila de Kufa en Iraq. Bandièra de l’Estat Islamic   Lo grop nomenat Estat Islamic emplega una bandièra negra amb la shahada dins una calligrafia anciana. Dins un primièr moment se pensèt que la bandièra del cafè de Sydney èra aquela, mas o èra pas. L’Estat Islamic apond a la shahada lo sagèl de Maomet. Tradicionalament la color negra dins l’islam èra associada als shiitas, mas l’Estat Islamic l’emplega e mai se son de sunnitas. De fach, aquestas darrièras annadas, los grops jihadistas emplegan de mai en mai la color negra dins lors ensenhas.     Bandièra del Front Al Nusra d’Al Qaida   Bandièra de l’Estat Islamic   Lo grop nomenat Estat Islamic emplega una bandièra negra amb la shahada dins una calligrafia anciana. Dins un primièr moment se pensèt que la bandièra del cafè de Sydney èra aquela, mas o èra pas. L’Estat Islamic apond a la shahada lo sagèl de Maomet. Tradicionalament la color negra dins l’islam èra associada als shiitas, mas l’Estat Islamic l’emplega e mai se son de sunnitas. De fach, aquestas darrièras annadas, los grops jihadistas emplegan de mai en mai la color negra dins lors ensenhas.     Bandièra del Front Al Nusra d’Al Qaida Lo Front Al Nusra, la faccion d’Al Qaida qu’agís en Siria e Iraq, emplega tanben una bandièra negra amb la shahada. Mas es diferenta, pr’amor que dejós i apondon lo nom del grop “Jahbat Al Nusra”. Al Nusra s’afronta a l’Estat Islamic e mai se los dos anóncian l’intencion de crear un estat islamic dins la zòna.     La bandièra desplegada dins lo cafè de Sydney es dins aquel sens una bandièra qu’a solament la shahada e que, doncas, s’identifica pas forçadament amb cap de las bandièras mençonadas.