Actualitats
L’Union Europèa renóncia a de projèctes antipollucion
La Comission Europèa Juncker abandona 83 projèctes de reglaments e directivas eissits de la Comission Barroso
Dimars 16 de decembre, dins la tantossada, lo president de la Comission Europèa, lo luxemborgés Jean-Claude Juncker, e son vicepresident, lo neerlandés Frans Timmermans, confirmèron çò que ja se temiá: abandonarián en 2015 de projèctes legislatius concebuts per luchar contra la pollucion per tal de se consagrar puslèu a de politicas de relançament de l’emplec.
Se tracta en particular de dos projèctes, un sus la qualitat de l’aire, l’autre sus l’economia circulara, valent a dire sus lo desvolopament del reciclatge. Aqueste aviá per tòca d’arribar a una reduccion del 30% del curum abans 2030 mentre qu’aquel deviá revisar la directiva aire de 1999 qu’establís los plafons estatals de las emissions de polluents dins l’aire. Ne caliá alargar la lista a las particulas finas PM2,5, valent a dire d’un diamètre inferior a 2,5 micromètres, especialament dangierosas per la santat, e defugir ansin la mòrt prematurada de 58 000 europèus per an.
Ja protèstan las ONG (organizacions non governamentalas) qu’acusan la Comission Europèa d’aver cedit a las pressions del patronat europèu, que voliá l’abandon dels dos projèctes, e lo 1r de decembre, onze ministres europèus de l’environament, entre los quals tres pertòcan dirèctament Occitània —Ségolène Royal per l’estat francés, Isabel García Tejerina per l’espanhòl e Gian Luca Galleti per l’italian—, escriguèron a Sénher Juncker, de badas.
Una politica de la vista corta?
Malgrat lo caumatge de massa, los deficits publics qu’obligan los govèrns europèus de demenir las despensas, la creissença nulla e mai la recession, es pas segur que las motivacions economicas de la Comission Europèa sián pertinentas. Segon lo Burèu Europèu de l’Environament, qu’escriguèt lo 17 de novembre una letra dobèrta, “400 000 ciutadans europèus morisson de biais prematurat cada an pr’amor de la pollucion atmosferica”; e la preservacion d’aquestas vidas umanas portariá un benefici enòrme a l’economia europèa. La Comission Europèa aviá ela meteissa avalorat que se poiriá estalviar entre 40 e 140 miliards d’èuros amb la directiva nòva, ara abandonada.
Se pensa tanben que los projèctes sus l’economia circulara poirián crear 180 000 emplecs nòus.
Quinas son las prioritats de la Comission Europèa? Quina Euròpa volèm los ciutadans europèus?
GJB
Se tracta en particular de dos projèctes, un sus la qualitat de l’aire, l’autre sus l’economia circulara, valent a dire sus lo desvolopament del reciclatge. Aqueste aviá per tòca d’arribar a una reduccion del 30% del curum abans 2030 mentre qu’aquel deviá revisar la directiva aire de 1999 qu’establís los plafons estatals de las emissions de polluents dins l’aire. Ne caliá alargar la lista a las particulas finas PM2,5, valent a dire d’un diamètre inferior a 2,5 micromètres, especialament dangierosas per la santat, e defugir ansin la mòrt prematurada de 58 000 europèus per an.
Ja protèstan las ONG (organizacions non governamentalas) qu’acusan la Comission Europèa d’aver cedit a las pressions del patronat europèu, que voliá l’abandon dels dos projèctes, e lo 1r de decembre, onze ministres europèus de l’environament, entre los quals tres pertòcan dirèctament Occitània —Ségolène Royal per l’estat francés, Isabel García Tejerina per l’espanhòl e Gian Luca Galleti per l’italian—, escriguèron a Sénher Juncker, de badas.
Una politica de la vista corta?
Malgrat lo caumatge de massa, los deficits publics qu’obligan los govèrns europèus de demenir las despensas, la creissença nulla e mai la recession, es pas segur que las motivacions economicas de la Comission Europèa sián pertinentas. Segon lo Burèu Europèu de l’Environament, qu’escriguèt lo 17 de novembre una letra dobèrta, “400 000 ciutadans europèus morisson de biais prematurat cada an pr’amor de la pollucion atmosferica”; e la preservacion d’aquestas vidas umanas portariá un benefici enòrme a l’economia europèa. La Comission Europèa aviá ela meteissa avalorat que se poiriá estalviar entre 40 e 140 miliards d’èuros amb la directiva nòva, ara abandonada.
Se pensa tanben que los projèctes sus l’economia circulara poirián crear 180 000 emplecs nòus.
Quinas son las prioritats de la Comission Europèa? Quina Euròpa volèm los ciutadans europèus?
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari