La guerrilha colombiana de las FARC a declarat una alta al fuòc unilaterala e indefinida. “Avèm decidit de declarar una alta al fuòc unilaterala e d’arrestar las ostilitats per un temps indefinit, çò que se deu transformar en armistici”, çò dison dins un comunicat. E i somet qualques condicions: “Aquel arrèst unilateral, qu’esperam que s’alongue dins lo temps, s’anullariá se se constatèsse unicament que las nòstras estructuras guerrilhièras son objècte d’atacs de la part de la fòrça publica”. La trèva deu començar lo 20 de decembre s’es verificada per d’organizacions coma Unasur, CELAC e la Crotz Roja.
 
La decision se debana qualques jorns après la represa de las negociacions de patz amb lo govèrn colombian de Juan Manuel Santos, dobèrtas fa dos ans a L’Avana. En novembre s’èran suspendudas pendent tres setmanas quand las FARC capturèron un general de l’armada.