Actualitats
Los elegits occitans celèbran las anóncias de Valls per las escòlas en breton
Al delà demanan al primièr ministre francés d’aplicar las meteissas decisions a las escòlas occitanas e li remembran que la lei reconeis l’ensenhament bilingüe.
Lo primièr ministre francés, Manuel Valls, diguèt dijòus passat, en Bretanha, que lo temps per la reconeissença e la contractualizacion de las escòlas Diwan, que lor ensenhament se fa en breton, passariá de cinc ans a 18 meses. Aquelas declaracions an pas passat inapercebudas per l’Associacion dels Elegits Occitans, que ven de mandar un comunicat en se regaudissent d’aquela anóncia.
Dins aquel comunicat, lo president de l’associacion dels elegits, Dàvid Grosclaude, ditz qu’espèra “que la medisha decision siá anonciada e aplicada per las escòlas associativas Calandreta qu’ensenhan en occitan”. “Ua tau mesura que seriá confòrma aus principis d’egalitat republicana”, çò apond.
Lo comunicat tanben remembra que la lei de renovacion de l’escòla “reconeish en lo son article 40 l’ensenhament bilingüe” e, alavetz, “que podèm sonque desirar que lo primèr ministre balhe un bilanç navèth a l’ensenhament en occitan, que siá en l’encastre de l’Educacion Nacionala o en l’encastre de las escòlas associativas e laïcas Calandreta”.
Las escòlas Seaska del Bascoat Nòrd benefícian ja d’aquel relambi de 18 meses.
Dins aquel comunicat, lo president de l’associacion dels elegits, Dàvid Grosclaude, ditz qu’espèra “que la medisha decision siá anonciada e aplicada per las escòlas associativas Calandreta qu’ensenhan en occitan”. “Ua tau mesura que seriá confòrma aus principis d’egalitat republicana”, çò apond.
Lo comunicat tanben remembra que la lei de renovacion de l’escòla “reconeish en lo son article 40 l’ensenhament bilingüe” e, alavetz, “que podèm sonque desirar que lo primèr ministre balhe un bilanç navèth a l’ensenhament en occitan, que siá en l’encastre de l’Educacion Nacionala o en l’encastre de las escòlas associativas e laïcas Calandreta”.
Las escòlas Seaska del Bascoat Nòrd benefícian ja d’aquel relambi de 18 meses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es una debuta que cal jostenir. Es pas a romegar tot lo temps assis sul cuol qu'anèm faire avançar la causa Occitana.
Cal pas oblidar qu'es pas lo primièr còp que fan d'anoncis : quand los " bonnets rouges " manifestavan avián anonciat que ratificarián la carta europèa de las lengas menaçadas entre autres per l'estat francés. Sèm totjorn a esperar. E aprèp aver votat una reforma territoriala que respecta una Bretanha amb quatre departaments coma la somiava lo marescal republican Pétain, lo marescal Valls ensaja un còp de mai d'apasimar los bretons amb un nòu anonci agantacolhon. Oblidèm pas que la tòca de l'estat francés es d'eliminar totas las minoritats e las sevas lengas per fargar un paradís exagonal amb de ciutadans que franchimandejarián amb lo cervèl blau blanc roge. E tot aquò se ditz lo país dels dreches umans.
Francament me demandi d'a còps se i son totis los occitans : Ne son ara a mercejar çò que diguèd un prumier ministre d'un govèrn "pèire a fuòc" non pas pels occitans, mas pels Bretons. Me sentissi vergonhós d'o èsser occitan.... enfin un puòc mens cada jorn hè..!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari