Actualitats
Aragon: an manifestat pels dreches socials e las libertats nacionalas
Dempuèi qualques annadas, lo 20 de decembre es vengut lo jorn de las libertats nacionalas e socialas d’Aragon
La plataforma populara d’Aragon En a Tuya Man (en la tiá man), formada per d’organizacions e de personalitats de l’esquèrra sobeiranista aragonesa, manifestèt dissabte de miègjorn, un còp de mai, per las carrièras de Saragossa en revendicant los dreches socials e nacionals d’Aragon. Aquela manifestacion (fòtos) se debana cada an en escasença de l’anniversari de la decapitacion, lo 20 de decembre de 1591, del procuraire Joan V de Lanuça [Chuan V de Lanuza], defensor dels dreches e de las libertats d’Aragon.
La manifestacion mandèt un messatge als ciutadans d’Aragon sul “besonh d’un cambiament radical en las relacions de l’estat espanhòl amb Aragon”. L’objectiu es que lo país aja “los espleches necessaris per èsser considerat un subjècte sobeiran de plen drech, e [qu’aja] las estructuras necessàrias per venir un país autonòm amb capacitat per decidir el meteis”. Los manifestants creson que “la sola sortida de crisi en mans del pòble aragonés es son engatjament dins los movements socials e nacionals que genèren lo cambiament”. Es pr’amor d’aquò que revendican de poder decidir lor avenir, en revendicant “la sobeiranetat economica e mai de mejans per desvolopar l’educacion, la cultura, la santat publica, la defensa de totas las lengas e tradicions e un cambiament dins las relacions socialas”. Tanben denóncian “l’espoliacion del sistèma ultraliberal”.
Lo jorn dels dreches e las libertats nacionalas d’Aragon
Lo 20 de decembre se commemòra lo jorn que lo procuraire d’Aragon Joan V de Lanuça, dich lo Jove, foguèt decapitat fa 423 ans. Aquela execucion es remembrada per l’aragonesisme “coma simbòl del procediment arbitrari e del mesprètz dels elèits envèrs los dreches istorics e l’interès popular aragoneses”.
Joan V de Lanuça foguèt un defensor dels dreches e de las libertats d’Aragon e foguèt executat sens cap de jutjament prèvi. Sa mòrt la plorèron la majoritat dels aragoneses e, a l’ora d’ara, qualques collectius remembran son assassinat cada 20 de decembre. A un monument dins la vila de Saragossa. Dempuèi qualques annadas, lo 20 de decembre es vengut lo jorn de las libertats nacionalas e socialas d’Aragon.
La manifestacion mandèt un messatge als ciutadans d’Aragon sul “besonh d’un cambiament radical en las relacions de l’estat espanhòl amb Aragon”. L’objectiu es que lo país aja “los espleches necessaris per èsser considerat un subjècte sobeiran de plen drech, e [qu’aja] las estructuras necessàrias per venir un país autonòm amb capacitat per decidir el meteis”. Los manifestants creson que “la sola sortida de crisi en mans del pòble aragonés es son engatjament dins los movements socials e nacionals que genèren lo cambiament”. Es pr’amor d’aquò que revendican de poder decidir lor avenir, en revendicant “la sobeiranetat economica e mai de mejans per desvolopar l’educacion, la cultura, la santat publica, la defensa de totas las lengas e tradicions e un cambiament dins las relacions socialas”. Tanben denóncian “l’espoliacion del sistèma ultraliberal”.
Lo jorn dels dreches e las libertats nacionalas d’Aragon
Lo 20 de decembre se commemòra lo jorn que lo procuraire d’Aragon Joan V de Lanuça, dich lo Jove, foguèt decapitat fa 423 ans. Aquela execucion es remembrada per l’aragonesisme “coma simbòl del procediment arbitrari e del mesprètz dels elèits envèrs los dreches istorics e l’interès popular aragoneses”.
Joan V de Lanuça foguèt un defensor dels dreches e de las libertats d’Aragon e foguèt executat sens cap de jutjament prèvi. Sa mòrt la plorèron la majoritat dels aragoneses e, a l’ora d’ara, qualques collectius remembran son assassinat cada 20 de decembre. A un monument dins la vila de Saragossa. Dempuèi qualques annadas, lo 20 de decembre es vengut lo jorn de las libertats nacionalas e socialas d’Aragon.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Lo Raxoi tanben agacha lo Jornalet.
Qui ei eth cafre qu'a votat negatiuaments es dus comentaris anteriors?
Aragón ye nazión, entalto Aragón y entalto a luenga aragonesa que ye una luenga bel polida!!!
Lo camin es long pels aragonés, mas i a de valents aval qu'òbran per la lenga, la cultura, e la nacion aragonesas. Mercé per aquel article de necessària solidaritat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari