La polícia francesa abatèt ièr un gojat dins un comissariat de la banlèga de Tors (França). Lo jove tuat èra a ferir a còps de cotèl tres policièrs mentre que cridava en arabi “Dieu es grand”. S’agís de Bertrand Nzohabonayo, un ciutadan francés de 20 ans nascut en Burundi, e lo fach que cridèsse en arabi faguèt pensar que se poiriá tractar d’un acte terrorista. Los policièrs ferits son fòra perilh.
 
Lo ministre francés de l’Interior, Bernard Cazeneuve, se desplacèt al luòc dels faches e diguèt als mèdias que l’assalhidor abatut èra conegut per la polícia per de petits delictes mas qu’èra pas dins cap de lista de suspèctes de terrorisme. Pasmens si qu’èra dins una lista d’aquelas son fraire, qu’auriá planificat de viatjar en Siria per jónher l’Estat Islamic.
 
Es inquietanta la creissenta radicalizacion dels joves dins l’estat francés, de cap a de posicions radicalas e intolerantas, tant del costat islamista coma del costat utradrechista xenofòb.