Actualitats
Rugbi XIII: dètz minutas de tròp per Vilanuèva
Polida dimenjada de jòc dobèrt abans una quinzenada de pausa pel monde tretzista
Alan Roch
Una palancada d’ensages
La tretzena jornada del campionat d’Elèit se dobriguèt dissabte amb lo dèrbi entre Dragonets e Palau a Sant Estève. La fin de la primièra fasa ven longanha e refastinhosa pels palauencs que pleguèron 40-10.
Dimenge, lo dèrbi audenc foguèt plan mai disputat sus la pelena de L’Agulha. Carcassona prenguèt los davants a la pausa, 20-18, puèi signèt dos ensages tre la represa: 30-18. E aquí los Canaris pensèron que las vacanças èran arribadas. Dins lo darrièr quart d’ora, Limós signèt tres ensages, Murcia ne transformèt un e ajustèt un tombat: 33-30 al final pels locals que gardan un briconet d’espèr de dintrar dins la pola bèla. La recepcion dels Dragonets pel compte de la partida en retard serà decisiva lo dimenge 4 de genièr.
Avinhon, un còp de mai, tenguèt una orada fàcia a son adversari Lesinhan aqueste dimenge, mas l’esquipa de las Corbièras finiguèt per ganhar 25-18. A Vilanuèva, los locals avián de besonh d’una victòria per servar una plaça per la pola bèla. A un quart d’ora de la fin, menavan, mas dos ensages tolzans e una penalitat lor i daissèron un gost amar e la fin del sòmi: 22-18.
Tròp fòrts, los Schoolboys
Aprèp Anglatèrra, ont ganhèron un tèst e ne perdèron un autre, la seleccion escolara australiana dels Schoolboys joguèt contra la seleccion francesa dels U19 diluns 15 a Brutus. Los joves jogaires occitans e catalans faguèron plan mai que de se contentar de defendre. Prenguèron d’iniciativas e perdèron amb la marca de 30-20.
Dijòus, a Tolosa, lo prètzfach èra mai complicat e malaisit pels U18 e l’escart final mai bèl: 40-4.
Montanha e repaus pels Dracs
Los Dracs passèron tres jorns a la montanha del costat de Sallagosa del 19 al 21 de decembre. Al programa: entraïnaments collectius, musculacion, passejadas en raquetas, bòlas, banhs dins las aigas caudas naturalas... E una setmana de repaus abans la represa dels entraïnaments, las partidas amicalas del 17de genièr contra los London Broncos e del 24 a Carcassona contra los Chivalièrs Catars e la primièra partida de la Superliga lo 6 de febrièr cò del campion, Saint Helens.
Solièr d’aur
Lo mesclanha neozelandés Shaun Johnson es estat designat coma lo melhor jogaire de XIII de l’annada 2014.
Alan Roch
Fòto: Lo mesclanha neozelandés Shaun Johnson, jogaire de l’annada 2014
La tretzena jornada del campionat d’Elèit se dobriguèt dissabte amb lo dèrbi entre Dragonets e Palau a Sant Estève. La fin de la primièra fasa ven longanha e refastinhosa pels palauencs que pleguèron 40-10.
Dimenge, lo dèrbi audenc foguèt plan mai disputat sus la pelena de L’Agulha. Carcassona prenguèt los davants a la pausa, 20-18, puèi signèt dos ensages tre la represa: 30-18. E aquí los Canaris pensèron que las vacanças èran arribadas. Dins lo darrièr quart d’ora, Limós signèt tres ensages, Murcia ne transformèt un e ajustèt un tombat: 33-30 al final pels locals que gardan un briconet d’espèr de dintrar dins la pola bèla. La recepcion dels Dragonets pel compte de la partida en retard serà decisiva lo dimenge 4 de genièr.
Avinhon, un còp de mai, tenguèt una orada fàcia a son adversari Lesinhan aqueste dimenge, mas l’esquipa de las Corbièras finiguèt per ganhar 25-18. A Vilanuèva, los locals avián de besonh d’una victòria per servar una plaça per la pola bèla. A un quart d’ora de la fin, menavan, mas dos ensages tolzans e una penalitat lor i daissèron un gost amar e la fin del sòmi: 22-18.
Tròp fòrts, los Schoolboys
Aprèp Anglatèrra, ont ganhèron un tèst e ne perdèron un autre, la seleccion escolara australiana dels Schoolboys joguèt contra la seleccion francesa dels U19 diluns 15 a Brutus. Los joves jogaires occitans e catalans faguèron plan mai que de se contentar de defendre. Prenguèron d’iniciativas e perdèron amb la marca de 30-20.
Dijòus, a Tolosa, lo prètzfach èra mai complicat e malaisit pels U18 e l’escart final mai bèl: 40-4.
Montanha e repaus pels Dracs
Los Dracs passèron tres jorns a la montanha del costat de Sallagosa del 19 al 21 de decembre. Al programa: entraïnaments collectius, musculacion, passejadas en raquetas, bòlas, banhs dins las aigas caudas naturalas... E una setmana de repaus abans la represa dels entraïnaments, las partidas amicalas del 17de genièr contra los London Broncos e del 24 a Carcassona contra los Chivalièrs Catars e la primièra partida de la Superliga lo 6 de febrièr cò del campion, Saint Helens.
Solièr d’aur
Lo mesclanha neozelandés Shaun Johnson es estat designat coma lo melhor jogaire de XIII de l’annada 2014.
Alan Roch
Fòto: Lo mesclanha neozelandés Shaun Johnson, jogaire de l’annada 2014
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari