Actualitats
Catalonha: d’autoinculpacions massissas en solidaritat amb los elegits acusats
Lo president de Catalonha, la vicepresidenta e la conselhièra de l’educacion son acusats de desobesissença a l’estat per aver organizat la consulta independentista del 9 de novembre
De centenats de personas anèron ièr dimars al sèti de la Cort Superiora de Justícia de Catalonha per s’inculpar dins lo procès que la justícia espanhòla a iniciat contra lo president Artur Mas, la vicepresidenta Joana Ortega e la conselhièra de l’educacion Irene Rigau. Lo ministèri public acusa los politicians catalans d’aver organizat lo vòte independentista del 9 de novembre passat, segon çò que rapòrta Vilaweb.
En solidaritat amb los elegits inculpats, l’Assemblada Nacionala Catalana a començat una campanha d’autoinculpacions que se materializèt ièr per de longas filas de mond davant la cort; aquelas gents se vòlon autoinculpar tanben pel meteis delicte de desobesissença a l’estat espanhòl. Demest tot aquel mond i aviá d’elegits e de politicians coneguts.
L’ANC prepausa que totes que s’i vòlgan apondre signen un document (PDF) ont admetan aver participat a la consulta del 9 de novembre, sens èsser estats obligats per cap d’institucion ni cap de persona. Puèi, lo document d’inculpacion se pòt liurar al tribunal de gàrdia mai prèp. L’ANC a publicat un sit web amb los detalhs de la campanha.
Al delà de la solidaritat amb las autoritats politicas afectadas, la campanha tanben a la tòca de “manifestar la manca de gatges democratics de l’estat espanhòl, ont la division dels poders es inexistenta”.
Mas, Ortega e Rigau son acusats d’un delicte de desobesissença, mas al delà, lo tribunal examinarà s’an comés d’autres delictes.
En solidaritat amb los elegits inculpats, l’Assemblada Nacionala Catalana a començat una campanha d’autoinculpacions que se materializèt ièr per de longas filas de mond davant la cort; aquelas gents se vòlon autoinculpar tanben pel meteis delicte de desobesissença a l’estat espanhòl. Demest tot aquel mond i aviá d’elegits e de politicians coneguts.
L’ANC prepausa que totes que s’i vòlgan apondre signen un document (PDF) ont admetan aver participat a la consulta del 9 de novembre, sens èsser estats obligats per cap d’institucion ni cap de persona. Puèi, lo document d’inculpacion se pòt liurar al tribunal de gàrdia mai prèp. L’ANC a publicat un sit web amb los detalhs de la campanha.
Al delà de la solidaritat amb las autoritats politicas afectadas, la campanha tanben a la tòca de “manifestar la manca de gatges democratics de l’estat espanhòl, ont la division dels poders es inexistenta”.
Mas, Ortega e Rigau son acusats d’un delicte de desobesissença, mas al delà, lo tribunal examinarà s’an comés d’autres delictes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Avètz plan comprés çò que se passa en Catalonha ? D'òmes politics elegits pel pòble son acusats d'aver demandat son vejaire al pòble : la democracia es mòrta dins lo rialme d'Espanha. E dins son mutisme, Euròpa confòrta aquel denèc public de democracia. Visca Catalonha liura !
Cap de problèmas, çai sèm; tot un pòble darrièr sos elegits inculpats. Vaqui çò que vòl dire la solidaritat umana . ÒSCA ! VISCA CATALUNYA !
#1 Un grand professional que nos es quitat, efectivament. Esperi que lèu poirem arribar a cobrir totas las nòvas importantas. Mentretant, totas las informacions que nos pogatz mandar seràn plan benvengudas e las tocarem dins las nòstras possibilitat. Desolat.
Pas un mot sus Jacme Crampes, dit Jacques Chancel? Pecat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari