Actualitats
Un obrièr immigrant morís cada dos jorns en Qatar
Lo jornal britanic The Guardian mena una enquèsta sus las condicions de trabalh de Qatar, que son al limit de l’esclavatge
Lo jornal britanic The Guardian mena una enquèsta sus las condicions de trabalh de Qatar, que son al limit de l’esclavatge, coma o an ja denonciat Amnestia Internacionala e d’autras associacions pels dreches umans. Las chifras son espantantas: segon aquel jornal un immigrant nepalés morís cada dos jorns a las òbras de construccion ligadas amb la Copa del Mond de fotbòl. Los obrièrs trabalhan de longas jornadas dins un mitan de 50 gras de temperatura, e las crisis cardiacas son frequentas.
Entre genièr e novembre de 2014, moriguèron en Qatar 157 obrièrs immigrants de Nepal, dont 75 per d’accidents cardiovasculars e 35 per d’accidents de trabalh, segon de chifras oficialas. Aquò es lo bilanç que faguèt al jornal britanic lo burèu de promocion de l’emplec a l’estrange de Nepal. Mas d’autras fonts del país d’Imalaia quitament elèvan la chifra a 188 mòrts.
Ara, l’enquèsta del Guardian visa pas solament los immigrants nepaleses. Tanben explica que cada jorn, abitualament, morís un obrièr originari d’Índia, Sri Lanka o Bangladèsh.
A l’ora d’ara trabalhan en Qatar 1,4 milion d’immigrants, dont 400 000 son venguts de Nepal. La majoritat d’eles i son arribats amb l’argent prestat per d’agéncias d’emplec usurièras que prometon de salaris nauts que son pas verais, lor confiscan lo passapòrt e lor vida es pas condicionada per las leis del país mas per la lei particulara de l’emplegaire segon una interpretacion particulra de la kafala. La kafala es, dins lo drech islamic, l’institucion que permet l’aculhiment legal dels enfants mas qu’en aquel cas es un truc legal per sometre los obrièrs immigrants al poder de l’emplegaire en marge de las leis del país.
Lo govèrn de Qatar a dich en mai d’una ocasion qu’enquestariá sus los cases e que reformariá las condicions del trabalh, çò qu’a pas encara fach. Oficialament reconeis qu’en 2012 e 2013 moriguèron 964 obrièrs de Nepal, Índia e Bangladèsh. Segon The Guardian, “lo sistèma que Qatar prepausa per remplaçar la kafala daissariá encara los obrièrs ligats a l’emplegaire pendent tot lo contracte, que pòt èsser de fins a 5 ans”.
Entre genièr e novembre de 2014, moriguèron en Qatar 157 obrièrs immigrants de Nepal, dont 75 per d’accidents cardiovasculars e 35 per d’accidents de trabalh, segon de chifras oficialas. Aquò es lo bilanç que faguèt al jornal britanic lo burèu de promocion de l’emplec a l’estrange de Nepal. Mas d’autras fonts del país d’Imalaia quitament elèvan la chifra a 188 mòrts.
Ara, l’enquèsta del Guardian visa pas solament los immigrants nepaleses. Tanben explica que cada jorn, abitualament, morís un obrièr originari d’Índia, Sri Lanka o Bangladèsh.
A l’ora d’ara trabalhan en Qatar 1,4 milion d’immigrants, dont 400 000 son venguts de Nepal. La majoritat d’eles i son arribats amb l’argent prestat per d’agéncias d’emplec usurièras que prometon de salaris nauts que son pas verais, lor confiscan lo passapòrt e lor vida es pas condicionada per las leis del país mas per la lei particulara de l’emplegaire segon una interpretacion particulra de la kafala. La kafala es, dins lo drech islamic, l’institucion que permet l’aculhiment legal dels enfants mas qu’en aquel cas es un truc legal per sometre los obrièrs immigrants al poder de l’emplegaire en marge de las leis del país.
Lo govèrn de Qatar a dich en mai d’una ocasion qu’enquestariá sus los cases e que reformariá las condicions del trabalh, çò qu’a pas encara fach. Oficialament reconeis qu’en 2012 e 2013 moriguèron 964 obrièrs de Nepal, Índia e Bangladèsh. Segon The Guardian, “lo sistèma que Qatar prepausa per remplaçar la kafala daissariá encara los obrièrs ligats a l’emplegaire pendent tot lo contracte, que pòt èsser de fins a 5 ans”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo ministre francés E. Macron vòl abolir lo dreit del trabalh. Es donc interessent d'estudiar cossí fonciona dins un païs competitiu e plan modèrn, que s'es enfin desentravat de totas "aquelas vièlhas lunas esquerristas"…
De verai, me pòrta pena qu'un club coma lo Barça dependa de la moneda de Qatar...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari