La fòrça aeriana indonesiana a localizat a la còsta de Bornèo de rèstas de l’avion que dimenge aviá desaparegut. Ja s’es retrobat quaranta cadavres de passatgièrs. L’ipotèsi privilegiada, segon las autoritats d’Indonesia, es que l’avion d’Air Asia auriá agut un accident a causa del tempèri. An detectat l’ombra de l’aparelh al fons de la mar e an identificat lo logotipe de la companhiá sus qualques objèctes trobats sus la mar. Tanplan an trobat de rèstas dels bagatges dels passatgièrs.
 
Dins l’Airbus 320-200, que fasiá lo trajècte entre Surabaya e Singapor, viatjavan 162 personas.
 
Lo darrièr contacte de radar amb lo vòl QZ 8501 se faguèt a 16h17 —00h17 segon l’ora d’Occitània—. Los pilòts avián demandat un cambiament de trajectòria per evitar de turbuléncias. En aquel moment l’avion èra près de l’illa de Belitung, a l’èst de Sumatra.