Actualitats
Grépias de Nadal: responsa umoristica d’un cònsol occitan a la “Libre-pensée”
Dins una letra datada del 17 de decembre, Christian Demeautis, lo president de la federacion del departament de Tarn de la “Libre-Pensée”, a demandat al cònsol de la ciutat lengadociana de Castras de retirar la grépia de Nadal expausada sus la Plaça Joan Jaurés dins l’encastre del mercat de Nadal. O escriu atal: “Consideram qu’aquela exposicion de grépias installadas publicament, pel sieu contengut qu’illustra la naissença de Jèsus Crist, representa un emblèma religiós que son simbolisme despassa la simpla representacion familiala. [...] Cap d’artifici pòt pas escafar aqueste fach indiscutible: installar de grépias en de luòcs publics es una violacion de la laïcitat republicana e una temptaiva de marcatge comunautari de la republica”.
Lo cònsol de Castras, Pascal Bugis (drecha divèrsa), que de son mestièr fa l’avocat, non solament refusa la demanda dels ultralaïcs senon que tanben lor a respondut per letra d’un biais umoristic.
Extraches de sa letra:
Ajusta:
Acaba en tot dire:
L’avenidor nos dirà se los “libres-penseurs” son dotats del sens de l’umor o se, coma an costuma d’o far, enregaràn una procedura judiciària al prèp d’un tribunal. Cal dire que la justícia francesa sovent règla aquestes afars amb una rapiditat estonanta al par de son ritme de trabalh abitual.
TL
Lo cònsol de Castras, Pascal Bugis (drecha divèrsa), que de son mestièr fa l’avocat, non solament refusa la demanda dels ultralaïcs senon que tanben lor a respondut per letra d’un biais umoristic.
Extraches de sa letra:
“Utilizatz lo tèrme «exposicion» sèt còps dins vòstre corrièr. Me permeti de pensar que (me perdonaretz l’expression), la messa es dicha. [...] La grépia es una marca d’esperança per totes los que son sens domicili [...]. Tanben la grépia es un rei arabi e un rei african que venon far vesita a un josieu, un signe d’esperança e de patz en aquestes tempses de tust de las civilizacions e de conflicte en Orient Mejan.”
Ajusta:
“La grépia tanben son de ramadièrs que cridan de jòi e que cantan dins una nuèch de decembre. Coneissètz fòrça agricultors que se rison dins aqueste periòde de crisi?”
“Personalament gaireben vos gausi pas dire quinas son las miás pensadas quand vesi a quins combats miserables de ciutadans valoroses se consagran quand, d’aquel temps, tant dels nòstres serián en drech d’esperar que vòstra sagacitat qu’apliquèsse a lors sofrenças e los espèrs”.
“Fin finala, la grépia es un ase, quitament s’una rumor ditz «qu’aqueste ase a daissat la grépia en 2014 per rejónher la Federacion de la Libre-Pensée de Tarn»”.
“Personalament gaireben vos gausi pas dire quinas son las miás pensadas quand vesi a quins combats miserables de ciutadans valoroses se consagran quand, d’aquel temps, tant dels nòstres serián en drech d’esperar que vòstra sagacitat qu’apliquèsse a lors sofrenças e los espèrs”.
“Fin finala, la grépia es un ase, quitament s’una rumor ditz «qu’aqueste ase a daissat la grépia en 2014 per rejónher la Federacion de la Libre-Pensée de Tarn»”.
Acaba en tot dire:
“Naturalement vos pòdi pas desirar de bonas fèstas de Nadal per de rasons que vos escaparàn pas, ni vos incitar a celebrar las vertuts de l’An Nòu, ja que nòstre calendièr s’afana a prene coma referéncia un abans e un aprèp Jèsus Crist”.
L’avenidor nos dirà se los “libres-penseurs” son dotats del sens de l’umor o se, coma an costuma d’o far, enregaràn una procedura judiciària al prèp d’un tribunal. Cal dire que la justícia francesa sovent règla aquestes afars amb una rapiditat estonanta al par de son ritme de trabalh abitual.
TL
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7- reduiDA - sus SA conducta
#12- Letra reduita e oberta a Piroulet, qu'a pas per objècte vòstra edificacion, sinon de voler pas cap de las partidas concernidas deissada d'explicacions sus lor conducta.
-Quand lo cònsol de Dreita, donc complici de las poténcias d'argent, preten se prendre a la valenta la question dels noiriguièrs emmoscalhats, aquò me dona lo fred per l'esquina.
-Quand ditz que "la grépia es una marca d'esperança per totes los que son sens domicili", el que vòl redusir drasticament las ajudas socialas, aquò me fa quilhar los pels.
Quand parlan -la Dreita- d'ecumenisme, de frairetat entre totes los òmes e qu'a l'encòp tòrnan préne los arguments del F.N., aquò ... Bona annada ...
#2 « "jòia" se volèm a tot rompre far un lemosinisme» --> Es pas un lemosinisme.
#3
Un ramadièr = un elevaire
#2
Segur, es "jòia" qu'auriái degut escriure
#3
Un ramadièr = un elevaire
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari