Actualitats
L’economista Thomas Piketty a refusat la Legion d’Onor francesa
L’autor del libre Le capital au XXIe siècle considèra que lo ròtle d’un govèrn es pas de decidir qual es onorable e que se deuriá consagrar a relançar la creissença
L’economista francés Thomas Piketty, autor del libre Le capital au XXIe siècle, a refusat la Legion d’Onor, la mai nauta decoracion onorifica qu’autreja la Republica Francesa, segon çò que rapòrta Le Monde. Especializat en l’estudi de l’inegalitat economica, Piketty considèra que lo ròtle d’un govèrn es pas de decidir qual es onorable o qual o es pas, e que se deuriá consagrar puslèu a relançar la creissença en França e en Euròpa.
Piketty èra pròche del Partit Socialista mas s’es de mai en mai alonhat del president François Hollande, que ne critica la politica economica de reduccion de las despensas publicas. En mai d’aquò Piketty li repròcha d’aver quitat la promessa electorala de far una reforma fiscala, un projècte que l’economista defend fòrça.
Le capital au XXIe siècle es vengut un libre de referéncia sus la creissenta inegalitat dins las economias occidentalas e es un dels libres d’economia mai legits e influents de 2014.
La Legion d'Onor es una decoracion fòrça presada que la donan als noms mai importants de la cultura, dins l’estat francés e endacòm mai. Als govèrns franceses lor agrada ben de l’autrejar a d’actors e de directors de cinèma estatsunidencs. Mas tanben son fòrça coneguts qualques unes dels que l’an refusada, coma Jean-Paul Sartre, Albert Camus, Hector Berlioz, Simone de Beauvoir, Pierre Curie e Georges Brassens.
Piketty èra pròche del Partit Socialista mas s’es de mai en mai alonhat del president François Hollande, que ne critica la politica economica de reduccion de las despensas publicas. En mai d’aquò Piketty li repròcha d’aver quitat la promessa electorala de far una reforma fiscala, un projècte que l’economista defend fòrça.
Le capital au XXIe siècle es vengut un libre de referéncia sus la creissenta inegalitat dins las economias occidentalas e es un dels libres d’economia mai legits e influents de 2014.
La Legion d'Onor es una decoracion fòrça presada que la donan als noms mai importants de la cultura, dins l’estat francés e endacòm mai. Als govèrns franceses lor agrada ben de l’autrejar a d’actors e de directors de cinèma estatsunidencs. Mas tanben son fòrça coneguts qualques unes dels que l’an refusada, coma Jean-Paul Sartre, Albert Camus, Hector Berlioz, Simone de Beauvoir, Pierre Curie e Georges Brassens.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Me perdèri quicòm: ...una defensa obscèna D'UN JOGUET atribuït...
Escrivètz : « Piketty èra pròche del Partit Socialista mas s’es de mai en mai alonhat del president François Hollande, que ne critica la politica economica de reduccion de las despensas publicas. » Ieu pensi que l'economista non s'es pas alonhat de res. Es F. Hollande que s'alonha espectaclosament d'una linha socialista per s'anar perdre dins lo laberint desumanisant del liberalisme mondializat, que servís un ponherat de morquistas de la finança e que considèra los autres, totes los autres, coma de miserables son que bon a lor costar impòstes o a lor far ganhar moneda.
Segond punt ; me cresi autorizat a pensar que n'i auriá agut plan mantes per refusar aquesta "decoracion", la lor agéssen prepausada, coma o ven de far Jòrdi Savall amb una autra "decoracion" plan castelhana, ela. Imaginatz seriosament d'escrivans catalanistas, abertzales, occitanistas, bretonistas qu'agèssen acceptada una legion d'orror napoleoniana alla francese que servís son qu'a valorar lo que l'atribuís al decorat de servici ?
Solet es eròis son capables d'arrefusar aquera sòrta de disticions. Òsca Piketty! Òsca Sartre, Camus, Berlioz, Simone de Beauvoir, Pierre Curie e Georges Brassens!
Una pròva mai del conservatisme d'un fum (pas totes!) de legeires de "Le Monde": los comentaris, en luòc de criticar lo drin-drin que s'inventèt lo Napoleon, atacan l'economista. Una defensa obscèna atribuït a una tropelada de mond de las palhetas, a de professionals de l'arribisme e a fòrça lèpa-cuols del poder. Lo Piketty s'onora de dintrar dins la lista egrègia dels que la refusèron o qu'avisèron que la voliân pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari