Actualitats
Israèl blòca mai de 100 milions d’èuros per Palestina
Se tracta de la responsa de l’estat ebrieu a las intencions de Palestina d’aderir la Cort Penala Internacionala per fin de denonciar Israèl per de crimes de guèrra
Lo primièr ministre d’Israèl, Benjamin Netanyahu, a suspendut lo pagament de 500 milions de shekels (aperaquí 106 milions d’èuros) a l’Autoritat Nacionala Palestiniana (ANP). Se tracta de las taxas qu’Israèl reculhís en Palestina e que, segon los Acòrdis de Patz, los deu tornar per pagar los salaris dels foncionaris publics.
Es pas lo primier còp qu’Israel blòca lo retorn de las taxas per far pression sus l’ANP. Aqueste còp se tracta de la responsa a las intencions de Palestina d’aderir la Cort Penala Internacionala per fin de denonciar Israèl per de crimes de guèrra. De mai, es ara Netanyahu que tanben prevei d’acusar lo president palestinian, Mahmud Abbas, de crimes de guèrra e de terrorisme.
Parallèlament a sa demanda d’adesion al Conselh de Seguretat de l’ÒNU, que los Estats Units an vedat, las autoritats palestinianas vòlon tanben que l’Organizacion de las Nacions Unidas debata un projècte de resolucion per instaurar un estat de plen drech, amb las frontièras de 1967 e l’èst de Jerusalèm coma capitala.
E mai se dimars passat la proposicion palestiniana obtenguèt pas los vòtes necessaris per intrar al Conselh de Seguretat, amb l’intrada de nòus membres tre lo 1r de genièr, l’ANP o vòl tornar ensajar.
Es pas lo primier còp qu’Israel blòca lo retorn de las taxas per far pression sus l’ANP. Aqueste còp se tracta de la responsa a las intencions de Palestina d’aderir la Cort Penala Internacionala per fin de denonciar Israèl per de crimes de guèrra. De mai, es ara Netanyahu que tanben prevei d’acusar lo president palestinian, Mahmud Abbas, de crimes de guèrra e de terrorisme.
Parallèlament a sa demanda d’adesion al Conselh de Seguretat de l’ÒNU, que los Estats Units an vedat, las autoritats palestinianas vòlon tanben que l’Organizacion de las Nacions Unidas debata un projècte de resolucion per instaurar un estat de plen drech, amb las frontièras de 1967 e l’èst de Jerusalèm coma capitala.
E mai se dimars passat la proposicion palestiniana obtenguèt pas los vòtes necessaris per intrar al Conselh de Seguretat, amb l’intrada de nòus membres tre lo 1r de genièr, l’ANP o vòl tornar ensajar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
- Legir lo libre de l'ancian president american Jimmy Carter, Palestine : la paix, pas l'apartheid.
-Consultar lo siti BDS (boycott, desinvestiment, sanccions).
"Nous sommes racistes, nous pratiquons l'apartheid et nous voulons même vivre dans un Etat pratiquant l'apartheid."
Proclamacion antiapartheid, antiracista de Gideon Levy (Danactu-resistance).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari