Lo verdicte es tombat: la composicion de la pola bèla d’Elèit1 per la segonda fasa del campionat es ara coneguda aprèp lo rescontre Limós-Dragonets d’aqueste dimenge.
La quatrena plaça pels Dragonets
Aqueste dimenge, a L’Agulha de Limós, se jogava la partida decisiva per l’obtencion del quatren sèti per la pola bèla; Limós, tocat per las nafraduras, presentava una formacion amb 6 juniors. Al cap de 12 minutas, los Dragonets èran ja passats dos còps e menavan 10-0. Mas los locals vòlon pas plegar atal: fan rampèl a la volontat e al sang del papeta e capitan a menar a la pausa 18-14. A l’ora de jòc, los Dragonets an tornat prene una brava avança: 30-18; l’alièr Sigismeau e l’arrièr Miloudi an signat cadun tres ensages. Mayans marca per Limós, Robin replica: 36-24 pels sang e aur a dètz minutas del tèrme. Dètz minutas que va veire los limosencs puntar dos ensages (Alberòla e Martins) transformats pel mesclanha Murcia per, fin finala, una marca de paritat: 36-36. Marca qu’assegura la qualificacaion dels catalans e balha plan de rasons d’esperar dins los endemans que cantan pels Roge e Negre. Se lo limós es una especialitat lengadociana de còca dels Reis, la fava son los catalans que se la ganhèron!
Darrièra jornada de la primièra fasa
La primièra fasa de l’Elèit1 se clavarà doncas aquesta dimenjada amb dos rescontres dissabte: Tolosa-Dragonets (15h30) e AS Carcassona-Avinhon (18h30) e doas partidas dimenge: Lesinhan-Vilanuèva (15h) e Palau-Limós (15h15). Fin de la primièra fasa tanben per l’Elèit 2. La segonda fasa de la competicion tornarà prene a la fin del mes aprèp lo torn de Copa de França (17 e 18 de genièr) e los rescontres amicals Chivalièrs Catars-Dracs (dissabte 24 a Carcassona) e Warrington-Tolosa lo dimenge 25.
Alan Roch
La quatrena plaça pels Dragonets
Aqueste dimenge, a L’Agulha de Limós, se jogava la partida decisiva per l’obtencion del quatren sèti per la pola bèla; Limós, tocat per las nafraduras, presentava una formacion amb 6 juniors. Al cap de 12 minutas, los Dragonets èran ja passats dos còps e menavan 10-0. Mas los locals vòlon pas plegar atal: fan rampèl a la volontat e al sang del papeta e capitan a menar a la pausa 18-14. A l’ora de jòc, los Dragonets an tornat prene una brava avança: 30-18; l’alièr Sigismeau e l’arrièr Miloudi an signat cadun tres ensages. Mayans marca per Limós, Robin replica: 36-24 pels sang e aur a dètz minutas del tèrme. Dètz minutas que va veire los limosencs puntar dos ensages (Alberòla e Martins) transformats pel mesclanha Murcia per, fin finala, una marca de paritat: 36-36. Marca qu’assegura la qualificacaion dels catalans e balha plan de rasons d’esperar dins los endemans que cantan pels Roge e Negre. Se lo limós es una especialitat lengadociana de còca dels Reis, la fava son los catalans que se la ganhèron!
Darrièra jornada de la primièra fasa
La primièra fasa de l’Elèit1 se clavarà doncas aquesta dimenjada amb dos rescontres dissabte: Tolosa-Dragonets (15h30) e AS Carcassona-Avinhon (18h30) e doas partidas dimenge: Lesinhan-Vilanuèva (15h) e Palau-Limós (15h15). Fin de la primièra fasa tanben per l’Elèit 2. La segonda fasa de la competicion tornarà prene a la fin del mes aprèp lo torn de Copa de França (17 e 18 de genièr) e los rescontres amicals Chivalièrs Catars-Dracs (dissabte 24 a Carcassona) e Warrington-Tolosa lo dimenge 25.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari