Giancarlo Murisciano es un gojat italian de 28 ans qu’a esmogut de milièrs de personas del Mond entièr amb una fòto publicada sus Facebook. Lo 1r de genièr, Murisciano publiquèt l’imatge d’el que podètz veire amb aqueste article, que i ten sa mameta dins los braces; aquela qu’a 87 ans e qu’es malauta d’Alzheimer. Acompanha la fotografia un petit tèxt tanplan esmovent: “Tanben aquò es l’amor... bensai es pas estat lo melhor 31 de decembre de ma vida... mas aquò tanben es la vida... a passat temps m’aviás tu sus tas cambas, ara o fau ieu mameta, sens vergonha e sens paur... per rapelar a totes que la vida deu èsser viscuda e combatuda... Es de bon far, d’escriure de mots sus Facebook o endacòm mai, mas la vida deu èsser presenta totjorn e en tot cas... aquò es mon vòt per 2015, la preséncia de qualqu’un de pròche que nos pòsca protegir e confortar mas tanben que deu èsser aürós e sorisent amb nosautres.”
 
Amb aquest vòt simple mas polit per 2015, Murisciano a capitat que son messatge vire per lo Mond e que mai de 480 000 usatgièrs de Facebook ajan clicat sus “m’agrada”.