Actualitats
Istambol vòl venir la capitala mondiala de la mòda
Amb la setmana de la mòda que se debanèt en octòbre de 2014 en Turquia, Istambol presenta sas intencions de desquilhar sas rivalas europèas dins lo mond tèune de la mòda
Dempuèi qualques annadas Istambol vòl far rampèl a las autras capitalas de la mòda. O fa a travèrs de la Fashion Week (“setmana de la mòda”) que se tenguèt en Turquia abans las de Nòva York, Londres, Milan e París. Un simbòl qu’es de remarcar es lo lançament de la version turca del magazine de mòda plan conegut Vogue.
Pendent quatre jorns, la collecions signadas per vint e quatre joves creators foguèron presentadas al public. S’i vei un mestritge perfièch de las tecnicas, un saber-far e una plan bona vista globala de la mòda: nos podèm fisar dels turcs per la compreneson del marqueting.
Pr’aquò es un bocin malaisit encara de se desliurar de las influéncias de Nòva York, Milan e París. Es benlèu lo senhal per los creators de passar a una velocitat superiora.
Turquia es estada tractada fins ara coma un sostractant de las grandas marcas de luxe europèas. A l’imatge de Desa, faiçonièr qu’es vengut una marca, es aital tota l’indústria textila que se tira de la sostractança per anar a la conquista del mercat mondial.
La filièra textila turca es la segonda indústria exportaira
La Fashion Week d’Istambol es un dels elements estrategics qu’an per tòca de far d’Istambol la capitala mondiala de la mòda. Segond partenari textil de l’Union Europèa après China, Turquia vòl venir lidèr.
Las autoritats turcas e subretot l’Iktib, potenta organizacion professionala que recampa los exportaires de la filièra textila, s’afanan amb plan de vam a la Fashion Week d’Istambol. Amb 20 miliards de dolars en 2009, l’objectiu previst es de 100 miliards de dolars estatsunidencs a l’orizont de 2023.
Aqueles objectius son realizables a la vista dels atots que possedís Turquia: una potenta indústria textila, que los joves creators se pòdon apiejar dessús, un caireforc de culturas e una posicion geografica ideala.
Vidèos de las desfiladas
Desfilada Zeynep Erdoğan
Desfilada Şeyma Subaşi
Desfilada Çiğdem Akin
Desfilada Ayşe Deniz Yeğin
Desfilada Gizia (marca de vestits)
Desfilada Simay Bülbül
Aital benlèu auretz idèa d’anar far los saldos a Istambol a la prima que ven amb una passejada sul Bosfòr.
Çako Amka
Pendent quatre jorns, la collecions signadas per vint e quatre joves creators foguèron presentadas al public. S’i vei un mestritge perfièch de las tecnicas, un saber-far e una plan bona vista globala de la mòda: nos podèm fisar dels turcs per la compreneson del marqueting.
Pr’aquò es un bocin malaisit encara de se desliurar de las influéncias de Nòva York, Milan e París. Es benlèu lo senhal per los creators de passar a una velocitat superiora.
Turquia es estada tractada fins ara coma un sostractant de las grandas marcas de luxe europèas. A l’imatge de Desa, faiçonièr qu’es vengut una marca, es aital tota l’indústria textila que se tira de la sostractança per anar a la conquista del mercat mondial.
La filièra textila turca es la segonda indústria exportaira
La Fashion Week d’Istambol es un dels elements estrategics qu’an per tòca de far d’Istambol la capitala mondiala de la mòda. Segond partenari textil de l’Union Europèa après China, Turquia vòl venir lidèr.
Las autoritats turcas e subretot l’Iktib, potenta organizacion professionala que recampa los exportaires de la filièra textila, s’afanan amb plan de vam a la Fashion Week d’Istambol. Amb 20 miliards de dolars en 2009, l’objectiu previst es de 100 miliards de dolars estatsunidencs a l’orizont de 2023.
Aqueles objectius son realizables a la vista dels atots que possedís Turquia: una potenta indústria textila, que los joves creators se pòdon apiejar dessús, un caireforc de culturas e una posicion geografica ideala.
Vidèos de las desfiladas
Desfilada Zeynep Erdoğan
Desfilada Şeyma Subaşi
Desfilada Çiğdem Akin
Desfilada Ayşe Deniz Yeğin
Desfilada Gizia (marca de vestits)
Desfilada Simay Bülbül
Aital benlèu auretz idèa d’anar far los saldos a Istambol a la prima que ven amb una passejada sul Bosfòr.
Çako Amka
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari