Dimècres passat presentèron en public los nenons princièrs de Mónegue, dont l’eiretièr del tròn, davant una multitud estrambordada. Los princes Charlena e Albèrt sortiguèron al balcon del Palais Princièr en sostenent dins los braces un nenon cadun. L’eiretièr, lo prince Jaume, e sa sòrre, Gabrièla, foguèron recebuts per una multitud qu’arborava de drapèls roges e blancs.
Los enfants nasquèron lo 10 de decembre passat a l’Espital de la Princessa Gràcia. La naissença foguèt saludada per 42 còps de canon. Albèrt e Charlena modifiquèron l’usatge tradicional: en luòc de far restontir 101 còps de canon per un dròlle e 21 per una dròlla, consagrèron 21 còps a cada nenon, çò es 42 al total. Puèi las campanas de las glèisas sonèron pendent un quart d’ora, seguidas de las serenas dels vaissèls.
Se convidèt la populacion del principat a decorar los edificis amb lo drapèl monegasc fins al jorn de la presencaion.
Aquela presentacion foguèt un jorn de fèsta. Se demanda de remplaçar los presents als dos enfants per de dons que seràn redistribuits a d’associacions que los donadors las causiràn.
Albèrt IId afortiguèt qu’abans la naissença, avián pas volgut saber lo sèxe dels enfants qu’anavan nàisser. “Sabètz”, çò diguèt, “òm a pas sovent l’ocasion d’aver de suspresas tant agradablas dins la vida. Emperò m’estimo mai de conóisser pas lo sèxe dels nenons abans la naissença”.
Abans son maridatge amb Charlena, Albèrt IId a ja agut dos enfants nascuts de relacions liuras, çò que los empacha d’eiretar del tròn monegasc: se tracta de sa filha Jazmin Grace Grimaldi, de 22 ans, que sa maire es una serviciala estatsunidenca, e de son filh Alexandre Coste, d’11 ans, que sa maire es una èx-assistenta de vòl francesa e togolesa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pietat que a Mónegue sigua encara oficiala la nostra lenga. Caldria demandar a lo princep Albert que volgués ajudar nostra lenga reconeixent lo Principat sa existència i cooficialitat. Son paire era un bon amic de Catalunha e sabia parlar català. Visca la vida,e visca l'amor.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Pietat que a Mónegue sigua encara oficiala la nostra lenga. Caldria demandar a lo princep Albert que volgués ajudar nostra lenga reconeixent lo Principat sa existència i cooficialitat. Son paire era un bon amic de Catalunha e sabia parlar català. Visca la vida,e visca l'amor.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari