Que comence aué ena Val d'Aran era prumèra edicion deth Hestivau Europèu d'Arts Numeriques, Dig@ran ena Val d’Aran, organizat pera Associacion aranesa d’arts numeriques. Eth hestau que se debanarà enquia dimenge 8 de junhsèga e qu'aumplirà eth país d'art e de naues tecnologies.
Pendent 10 dies, ua seguida d'òbres interactives, hèstes, dances e installacions numeriques qu'aumpliràn era Val d'Aran. S'agís d'òbres inedites e innovadores.
Es arts numeriques son aqueres que se hèn gràcies as naues tecnologies. Que tanhen totes es disciplines artistiques: musica, dança, teatre, arts plastiques, fotografia, audiovisuau e Internet.
Era tòca deth hestivau Dig@ran, qu'ei d'aplicar ua naua manèra de comunicar damb eth public, a compdar dera interaccion damb es artistes. Eth Hestivau d’Arts Numeriques dera Val d’Aran, qu'a era ambicion de basar-se enes expressions araneses entà projectar-les entath futur.
S'agís, donques, d'un gran saut tà deuant ena creacion artistica d'Aran, a on era lengua deth país non ei bric presenta enes vidèos de presentacion ne en sit web.
Ferriòl Macip
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari