Actualitats
Jornalet victima de l’espionatge sul ret?
De problèmas tecnics al sit web de Jornalet poirián aver coma origina lo ciberespionatge
Pendent 5 jorns avèm agut de problèmas tecnics que los legeires auràn remarcat. E mai se tot marcha melhor, los tecnicians son encara a trabalhar per ne trobar la causa. Semblariá que l’origina del problèma es un espionatge sul ret, qu’a afectat solament los sits del provesidor qu’aculhís Jornalet.
Dempuèi dijòus passat mantes legeires de Jornalet an agut de dificultats per accedir al sit, e fins a ièr de ser, non se podiá legir normalament las informacions e las opinions d’aqueste jornal en linha. La causa es estada una avaria tecnica.
Segon lo tecnician qu’a adobat lo problèma, sembla qu’un operator d’Internet auriá apondut quicòm per “espionar” lo ret. S’èra lo cas, semblariá que volián espionar los sits tenguts per la societat Tirabol, perque los problèmas tenics los avèm patit exclusivament aqueles sits gerits per Tirabol, e es lo cas de Jornalet. Podèm supausar, tanben, qu’un servidor intermediari (un “proxy”) seriá en pana e que, per còp d’azard, los sols sits damatjats serián Jornalet e qualques autres albergats dins lo meteis servidor.
Avèm demandat a la còla tecnica de contunhar lor trabalh per trobar l’origina del problèma e per verificar se s’agís d’un espionatge, se la pana es estada provocada o s’es fruch de l’azard.
La còla de Jornalet demandam excusas als legeires per las dificultats agudas pendent aquestes jorns, e mercejam l’excellent trabalh qu’a fach la còla de Tirabol per resòlver lo problèma. Tanben mercejam l’ajuda qu’avèm recebuda de qualques legeires e collaboradors.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jornalet victima de l’espionatge sul ret? Ieu, respondrai que seriái plan susprés que foguèsse pas espionat ni susvelhat en permanéncia tota pagina de la ret que milita en favor de las minoritats sens estats quinas que sián… E mai que mai, dins l'estat francés, una minoritat que concernís mai d'un tèrç del territòri politic oficial !
A França en temps de la revolució, per defensar la República varen haver de posar-se durs amb la religió catòlica, perquè estava a favor del rei. Però actualment la República francesa està pro consolidada, e hi ha pas cap perill que venguen los monarquics amb los catòlics a desestabilitzar-la. E per açò, ara no cal pas insultar les religions; a les altres democràcies dels voltant de França l'estat és laic, e vol dire que es respecten totes les creences religioses. Mas lo dret a la blasfèmia en públic, crec que és un fossil del temps de la revolució, segurament varen matar a religiosos las masses que es pensaven que los enemics eren los capellas, e ha queda encara aiçò avui dia. Los musulmans, com los catòlics, com totas las religions s'han de respectar ara, dins lo estat laic. Com es respecten las persones e no se les insulta en públic. Llibertat, igualdat e fraternitat
Çò que m'agrada es que fascan cara als enemics de la laïcitat, garanta de la democracia.
Tòrni díser que la democracia pòt pas èstre que laïca, car pausa demieg d'autres principis que tota lei es discutibla a opausabla e qu'es intangibla cap d'entre elas ..., dusca a la lei divina.
#3 Ne vèi pas lo rapòrt mes que vèi que ne t'agrada pas lo consensus! ;-)
#3 Ne vèi pas lo rapòrt. Ei un comentari seriós o ironic?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari