Actualitats
Autobús gratuit entà assistir ath vòte dera Naua Lei d’Aran
Eth Conselh Generau d’Aran met a disposicion des aranesi un servici de transpòrt public gratuit entà poder assistir ath vòte dera proposicion dera Naua Lei d’Aran en Parlament de Catalonha
Eth dia 21 de gèr, ena session plenièra deth Parlament de Catalonha, se someterà ath vòte era proposicion dera Naua Lei d’Aran.
Eth procès de redaccion dera proposicion dera naua Lei d’Aran se trape en punt finau. A dia d’aué son practicament barradi es acòrds generaus, açò hè a preveir qu’eth dia 21 de gèr, ena session plenièra deth Parlament de Catalonha, se someterà ath vòte era proposicion dera Naua Lei d’Aran.
Dauant d’aguest hèt istoric e trascendent entath present e futur deth nòste país, eth Conselh Generau d’Aran met a disposicion des ciutadans d’Aran que desiren assistir ad aguesta session un servici de transpòrt public gratuit Vielha-Barcelona.
Es persones interessades s’an de méter en contacte damb eth Conselh Generau d’Aran (telefòn: 973641801, Dòna Luisa Estévez; o ben per e-mail: l.estevez(a)aran.org) entà hornir es sues donades personaus que permeten de tractar era sua acreditacion tà accedir ath Parlament de Catalonha abans deth deluns, dia 19 de gèr.
Quan se confirme er orari dera session plenièra se contactarà telefonicament o per corrèu electronic es persones interessades entà confirmar orari e acreditacion.
Conselh Generau d’Aran
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari