Actualitats
Un tribunal de Turquia a ordenat de blocar los sits que mòstran la primièra pagina de Charlie Hebdo
La polícia permetèt la distribucion del jornal Cumhuriyet après verificar que publicava pas la caricatura de Maomet
Un tribunal de Diyarbakır (Turquia) ordenèt dimècres de blocar los sits web que difondon la caricatura de Maomet visibla sus la primièra pagina de Charlie Hebdo. Après l’atac terrorista de la setmana passada que i moriguèron 20 personas, dont dotze personas de la redaccion del setmanièr, aquesta setmana Charlie Hebdo publicava una caricatura amb Maomet sostenent un messatge de solidaritat amb los atacats (“Je suis Charlie”, çò es “Soi Charlie”) e amb un gròs títol que disiá “Tot es perdonat”.
Los jornals turcs mai religioses e pròches del govèrn islamista publiquèron l’imatge en esfumant la cara de la caricatura, mas d’autres jornals coma Birgün, qu’es d’esquèrra, publiquèron l’imatge sens la retocar.
Jornal opausant contrarotlat per la polícia
Qualques oras abans, la polícia aviá detengut qualques camions que sortissián de l’estampariá de Cumhuriyet, jornal d’oposicion al govèrn turc. Aquel jornal raportèt que la polícia ne permetèt la distribucion après verificar qu’aviá pas publicat la primièra pagina de Charlie Hebdo. De fach, Cumhuriyet aviá publicat quatre paginas de caricaturas e d’articles del setmanièr francés en solidaritat, mas decidiguèt de pas reproduire la primièra pagina amb la caricatura de Maomet, qu’ofensa los cresents musulmans. Ça que la, dos opinants publiquèron dins lors tribunas la primièra pagina polemica en d’imatges petits e en negre e blanc.
Lo principal partit de l’oposicion, lo Partit Republican del Pòble, remembrèt al Parlament que lo furn dels camions s’apiegèt pas sus cap d’òrdre judiciari e qu’escarniguèt la Constitucion turca, que proïbís la censura prèvia de la premsa.
Colpables de provocacion
Yalçın Akdoğan, viceprimièr ministre e un dels assessors del president de Turquia, Recep Tayyip Erdoğan, publiquèt sus son Twitter que “de la meteissa faiçon que condemnam l’atemptat de París, condemnam maitot los atacs contra los musulmans e contra los simbòls de l’islam”. Akdoğan tanben diguèt que “los que desprèsan las valors sagradas dels musulmans en publicant de dessenhs que representan supausadament lo nòstre profèta son clarament colpables de provocacion”.
Sanatçılardan Cumhuriyet Gazetesi'ne destekper cumhuriyet
Los jornals turcs mai religioses e pròches del govèrn islamista publiquèron l’imatge en esfumant la cara de la caricatura, mas d’autres jornals coma Birgün, qu’es d’esquèrra, publiquèron l’imatge sens la retocar.
Jornal opausant contrarotlat per la polícia
Qualques oras abans, la polícia aviá detengut qualques camions que sortissián de l’estampariá de Cumhuriyet, jornal d’oposicion al govèrn turc. Aquel jornal raportèt que la polícia ne permetèt la distribucion après verificar qu’aviá pas publicat la primièra pagina de Charlie Hebdo. De fach, Cumhuriyet aviá publicat quatre paginas de caricaturas e d’articles del setmanièr francés en solidaritat, mas decidiguèt de pas reproduire la primièra pagina amb la caricatura de Maomet, qu’ofensa los cresents musulmans. Ça que la, dos opinants publiquèron dins lors tribunas la primièra pagina polemica en d’imatges petits e en negre e blanc.
Lo principal partit de l’oposicion, lo Partit Republican del Pòble, remembrèt al Parlament que lo furn dels camions s’apiegèt pas sus cap d’òrdre judiciari e qu’escarniguèt la Constitucion turca, que proïbís la censura prèvia de la premsa.
Colpables de provocacion
Yalçın Akdoğan, viceprimièr ministre e un dels assessors del president de Turquia, Recep Tayyip Erdoğan, publiquèt sus son Twitter que “de la meteissa faiçon que condemnam l’atemptat de París, condemnam maitot los atacs contra los musulmans e contra los simbòls de l’islam”. Akdoğan tanben diguèt que “los que desprèsan las valors sagradas dels musulmans en publicant de dessenhs que representan supausadament lo nòstre profèta son clarament colpables de provocacion”.
Sanatçılardan Cumhuriyet Gazetesi'ne destekper cumhuriyet
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Apondons :
1- Cumhuriyet es nascut en 1923 fondat per Mustafa Kemal Atatürk.
Lo jornal ten mantun de sos jornalistas en preson seguida a processes fachs pel govèrn islamo-conservator.
2-Cumhuriyet es lo jornal mes a posita pels viatjaires de THY (Türk Hava Yolları) compania turca d'aviacion. Desempuèi la publicacion e subre tot la revirada en turc de las caricaturas, lo jornal Cumhuriyet es pus distribuit dins los avions de THY ('261 avions Airbus e Boeing).
3- L'article de Mehveş Evin del jornal Milliyet es estat sansurat. "dins aquel article Mehveş Evin convidava los muslinm d'abandonar lor mentalitat del XII sègle per prener la del XXI sègle".
4- de per lo passat londanh i aguèc ja representacions del profeta Mohamed dins los paisses d'islam, exemple lo Miraj nâmed" escrit a Hérat en 1436 qu'es lo raconte de l viatge de mahomet al paradis e a l'infern es ondrut de mantunas miniaturas. Los enlumenuras son en Persan e los Texetes en Oygor (Turc).
Linguisticament e fòça atrasent que far veire l'escritura Oygur (turc) utilizada en plen mitan del XV sègle.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari