Entremei las vialas que serián desservidas per lo projecte actuau: Vierzon, Borges, Châteauroux, Montluçon, Nevers, Vichèi, Clarmont d'Auvèrnhe, Roana.

 

Sus son siti internet, RFF rasseventa qu' "aviá presentat au debat publique, qu'a ajut luòc dau 3 octòbre 2011 au 31 girvèir 2012, quatre scenaris (Oèst-Sud, Oèst, Mejan e Est). Dins son compte-rendut, la comission dau debat publique a revelat daus ponts de quasi consensus: l'importança de la presa en consideracion daus enjòcs environamentaus e financièrs, lo refús dau scenari Est, la chausida d'un passatge per Roana pustòst que per Mâcon, la necessària modernisacion de las linhas classicas integradas au projecte. Pas un daus quatre scenaris prepausats s'es presentat coma la responsa evidenta e partatjada a l'ensems daus enjuòcs.

 

Qu’es per ‘quò-qui que RFF a decidat de botar davant los estudis dau projecte e d’entamenar l’annada venenta daus estudis mai precís e v-una concertacion bei l’ensems daus actors e dau publique. ‘Queus estudis e ‘quela concertacion visarán a definir, en liame bei tots los actors, un scenari melhorat sus la basa daus scenaris Oèst e Mejan, dins lhor varianta Roana, en recherchar las adaptacions possiblas, mai que mai:

 

- en Illa de França per prene en consideracion las conclusions dau debat publique qu’a menat a l’agrandiment de l’opcion de passatge a l’oèst d’Etampes e a v-un passatge preferenciau au nivèu de Juvisy e Brétigny pustòst que per Lieusaint;

 

- en region Centre per téner compte daus fòrts enjòcs environamentaus, agricòlas e viticòlas (Sologne, siauva d’Orleans, Sancerrois…), e de las espeitas exprimidas sus l’equilibri de la manca dau ret rotièr de la region (Orleans, Vierzon, Châteauroux, Borges, Gien…);

 

- e, finalament, chas nosautres, en Auvèrnhe per respondre a l’espeita d’una melhora lijason bei París e Lion per Clarmont d’Auvèrnhe d’una part, d’una ret rotièra de qualitat per Vichèi, Montluçon e Molins de l’autra part.

 

Un còp achabada aquela etapa, los apregondiments tecniques e lo trabalh partenariau deurán permetre de dessinar lo scenari adaptat. Cen aprés, un traçat dreit mai precís geograficament será delimitat au sen d’aqueu scenari. ‘Quo-es ‘queu traçat que poirá l-èstre sotmés a l’enquista d’utilitat publica, davant que donar luòc a las acquisicions foncièras e aus trabalhs.

 

Per abotir a ‘queu projecte partatjat, Ret Ferrada de França pretén prolonjar e fortir lo procèssus d’escota e de dialòg engatjat dins l’encastre dau debat publique en 2011. RFF organisará maitot aquela novèla concertacion, mas prepausará bei la CNDP de designar un garant charjat de s’ensonhar de la bona mesa en òbra de las modalitats d’informacion e de la participacion dau publique.

 

 

 

 

Alan Rodaire