Google quita de vendre sas lunetas intelligentas a partir de uèi. La decision es arribada après un periòde d’assages: aquelas lunetas, apeladas Google Glass, an recebut fòrça criticas car bensai menaçarián la vida privada e crearián de problèmas de seguretat publica.
 
Es aital que Google acaba son programa Glass Explorer qu’a demandat lor vejaire a de milièrs de personas qu’avián assajat las lunetas e que suggerissián de modificacions.
 
Mas Google a l’intencion de contunhar de trabalhar amb lo prototipe e de perfeccionar lo dispositiu per lo metre en venda puèi.
 
Las Google Glass pòrtan un petit ecran sus un costat per navigar per Internet, per recebre d’informacion, per entregistrar de filmets e per far de fotografias. Se metèron en venda en abril passat, mas solament se podián crompar amb una invitacion especiala de la societat.