Actualitats
Espectaclosa hèsta tath 40u anniversari deth còr Semiac en Bigòrra
Eth grop corau occitan que harà un concèrt eth 7 de hreuèr en companhia e dab suspresas
Eth grop Semiac en Bigòrra, corau occitan de Semiac (País de Tarba), qu’organiza ath parat deths sués 40 ans un espectacle inedit e unic dab nombrosis musicaires de qui l’acompanharàn en aquera ocasion. Aqueth espectacle, nommat Òmis en còr que’s harà eth disabte 7 de hreuèr en Centre Léo Lagrange de Semiac.
Que serà excepcionau e unic pr’amor qu’era corau a “revisitat” entad aquera ocasion un vintenat deras suas cançons e que las presentarà dab eths acompanhaments inedits de musicaires amics dab qui e tribalha ja desempuish quauques mesis.
Que i aurà donc cants dobats dab guitarras, autes dab bohas, autes dab cueires, e quauquas suspresas encòra…
Eras bandas Los Bambolaires [Los Bambolayres] e Yabanda que seràn tanben aquiu, mès tanben Boha Qui Pòt e Les Enfants du Silence. Mes de 60 musicaires e cantaires que pojaràn sus eth empont.
Era participacion de Joan de Nadau
Semiac en Bigòrra qu’a eth aunor de participar aths còrs de qui acompanhan eth grop Nadau a cada còp qu’aqueste presenta un gran espectacle Nadau en Companhia. Atau, desempuish mes de 20 ans, dera Ciutat de Carcassona enlà dinc a Ais de Provença, deth Zenit de Pau dinc a l’Olympia de París, ua complicitat de mes de 20 ans qu’a ligat Semiac ad aqueth grop plan conegut en Occitània tota.
Ath parat dera serada Òmis en Còr, Joan de Nadau [Jan de Nadau] qu’a volut marcar era sua amistat de cap ath grop, e que participarà en cantar dab Semiac en Bigòrra.
Semiac en Bigòrra
Creada hè quauques 40 ans per un grop d’amics de qui, ja, aligavan eth cant traditionau ara cançon occitana modèrna, la corau de Semiac que segueish eth sué camin ath entorn deras madeishas valors: amistat, plaser de cantar e recèrca de repertòris navèths qui permétien de s’exprimir en polifonia.
Eth renovelament deth grop que s’ei tostemps hèit progressivament, e eth foncionament amator e autogerit que permet ua participacion en tota simplicitat, sonque totun entaths grans eveniments de qui an marcat era vita deth grop, especiaument era realizacion de 2 CD e, plan segur, eth espectacle excepcionau e unic Òmis en còr qu’eth grop a volut organizar entà hestejar eths sués 40 ans.
Ath dia de uei, Semiac en Bigòrra qu’ei compausat de 17 cantaires òmis de 20 tà 70 ans. Eth grop que’s presenta eth mes sovent en Bigòrra, mès quauques còps tanben en Gasconha e Occitània tota. Eras sortidas enas Cevenas, en Corresa e tanplan en Eslovaquia que demoran tostemps en eths esperits…
BD/SB
Que serà excepcionau e unic pr’amor qu’era corau a “revisitat” entad aquera ocasion un vintenat deras suas cançons e que las presentarà dab eths acompanhaments inedits de musicaires amics dab qui e tribalha ja desempuish quauques mesis.
Que i aurà donc cants dobats dab guitarras, autes dab bohas, autes dab cueires, e quauquas suspresas encòra…
Eras bandas Los Bambolaires [Los Bambolayres] e Yabanda que seràn tanben aquiu, mès tanben Boha Qui Pòt e Les Enfants du Silence. Mes de 60 musicaires e cantaires que pojaràn sus eth empont.
Era participacion de Joan de Nadau
Semiac en Bigòrra qu’a eth aunor de participar aths còrs de qui acompanhan eth grop Nadau a cada còp qu’aqueste presenta un gran espectacle Nadau en Companhia. Atau, desempuish mes de 20 ans, dera Ciutat de Carcassona enlà dinc a Ais de Provença, deth Zenit de Pau dinc a l’Olympia de París, ua complicitat de mes de 20 ans qu’a ligat Semiac ad aqueth grop plan conegut en Occitània tota.
Ath parat dera serada Òmis en Còr, Joan de Nadau [Jan de Nadau] qu’a volut marcar era sua amistat de cap ath grop, e que participarà en cantar dab Semiac en Bigòrra.
Semiac en Bigòrra
Creada hè quauques 40 ans per un grop d’amics de qui, ja, aligavan eth cant traditionau ara cançon occitana modèrna, la corau de Semiac que segueish eth sué camin ath entorn deras madeishas valors: amistat, plaser de cantar e recèrca de repertòris navèths qui permétien de s’exprimir en polifonia.
Eth renovelament deth grop que s’ei tostemps hèit progressivament, e eth foncionament amator e autogerit que permet ua participacion en tota simplicitat, sonque totun entaths grans eveniments de qui an marcat era vita deth grop, especiaument era realizacion de 2 CD e, plan segur, eth espectacle excepcionau e unic Òmis en còr qu’eth grop a volut organizar entà hestejar eths sués 40 ans.
Ath dia de uei, Semiac en Bigòrra qu’ei compausat de 17 cantaires òmis de 20 tà 70 ans. Eth grop que’s presenta eth mes sovent en Bigòrra, mès quauques còps tanben en Gasconha e Occitània tota. Eras sortidas enas Cevenas, en Corresa e tanplan en Eslovaquia que demoran tostemps en eths esperits…
BD/SB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cambiar,òc !
Mas pas solament. Grandir, òc grandir.
La Revolucion se sarra. Sembla que porra pas esser una revolucion doça, una evolucion. Quò sera una revolucion violenta coma la França sap zo far.
Quò sera pas solament una revolucion sociala o regionala o occitanista.
Quò sera mai qu'aquò.
Quo sera una revolucion que vai banlevar totas las ideologias, las filosofias, las scienças, las religions.
I a pas en naut Diu, lo que sap;, que se trompa jamai, que dicta la lei e dejos lo pair de la nacion, lo pair de familha, e a chaque còp una ierarcia que punit,, que fai aplicar las leis, que sap tot.
Sem una partida de diu. L'esser uman es format de doas partidas: una partida materiala e una partida imateriala ( aquela que pensa, qu' a de las emocions). E, tot aquò es reliat au tot, es reliat a una consciença universala e unica. Dins nòstre, i a un bocin de l'autre, mesme si l'autre es un assassin. ( Veire los libres de Daniel Meurois : lo testament de las tres Maries o ben coma l'òm es passat de diu a diu).
Grandir! oblidatz pas aquel mot!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari