CAPÇALERA PAIS INVISIBLE

Actualitats

SocietatPoliticaInternacionalEconomia

En 2016, l’1% de la populacion mondiala serà mai ric que los autres 99%



Oxfam International es una confederacion internacionala d’organizacions que sa tòca es de trapar de solucions contra la pauretat e contra l’injustícia. En mai de son accion concreta en favor d’aqueles objectius, publica regularament d’estudis e de rapòrts en ligason amb sos aisses de trabalh.
 
Ièr diluns 19 de genièr, publiquèron un article entitolat “Riquesa: o possedir tot e ne voler encara mai”, signat de la cercaira Deborah Hardoon.
 
Aquel article mòstra qualques elements impressionants:
 
— En 2016, l’1% de la populacion del planeta possedirà aitant de riquesa coma los 99% de rèsta. En chifras, aquò vòl dire que 72 milions de personas possedisson tant coma las autras 6 480 milions de personas.
 
— La fortuna mejana d’aquel elèit d’un 1% es de 2,7 milions de dolars per adulte.
 
— Aquel 1% mai ric del planeta possedissián “sonque” l’equivalent del 44% de la riquesa mondiala en 2009, e del 48% en 2014. L’estudi prevei qu’arribaràn a possedir la mitat de la riquesa planetària dins un an.
 
— 85 personas son mai ricas que la mitat del planeta, siá 3 600 milions de personas.
 
Qu’un pichon nombre de personas possediscan de riquesas insensadas aquò es una trista constanta de l’istòria umana, mas l’element nòu es la pojada d’aqueste inegalitarisme que sembla de s’installar d’un biais duradís, progressiu e institucional. Oxfam Internacional fa de proposicions per luchar contra un estat que segon eles, es pas una fatalitat. Assaja de far valer nòu mesuras al prèp dels govèrns mondials per far demesir aquesta injustícia. An lançat la campanha de sensibilizacion Even it up.


 
 
TL

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
4.

#3 E ben escota, coma ne sias a ne'n parlar soi aqui de trastejar..... Ai un amic qu'a 93 ans e sabi pas cossi aquò venguèc sus la taula, tanplan amb un autre amic de per son aniversari i avèm ofert una "pin-up" de las annadas 1945. Cal díser que lo tipe es un amator d'Art plan esclairat.
Passerèm plan temps a trobar e fuguèc una aventura de longa....
A-n-aquela escasenças aprenguèri que las "pin-up" signadas d'unis artistas s'escambiavan sul mercat de l'Art per un pretz mejan, vist çò qu'es... Es atal que troberèm d'obras signadas "Elvgren" un mestre de la causas pintradas d'apèi modèl vos pregui....
E es atal qu'apèi nos èsser documentats mentre plan temps qu'avèm fach lo nòstre cadèu a l'amic nòstre.

E.. me soi pensat que saria plan de ne far un article per jornalet.... es un bocin cal sap de trò un estil estatunisdenc.... e me pausèri tanben una autra question.. de qué auria pogut èsser lo desabilhat occitan.... Ai cap de responsa per aquò..

Fin finala vèirem ben cossi vira l'afar. :-)

  • 0
  • 0
Gerard Joan Barceló Pèiralata
3.

#2 Prepausa un article! :-)

  • 1
  • 0
Lutz
2.

Ops ! (o cossí far dire de conariás a las chifras) >>
http://blog.francetvinfo.fr/classe-eco/2015/01/20/inegalites-mondiales-les-absurdes-statistiques-doxfam.html

  • 0
  • 0
antalya apraquital
1.

Aquò va pas, Son pas pro los rics, ne'n cal maites ! Tanben ai pausat ma candidatura entà jornalet per venir ric.... :-)

  • 1
  • 0

Escriu un comentari sus aqueste article