Actualitats
Ségolène Royal e la linha de granda velocitat Lemòtges-Peitieus
La ministra francesa de l’ecologia manifèsta son oposicion a aquela linha de granda velocitat (LGV), e mai se signèt un decret que ne declarava los trabalhs “urgents e d’utilitat publica”
E mai se s’es manifestada completament contra la linha de tren de granda velocitat (LGV) entre Peitieus e Lemòtges, la ministra francesa de l’ecologia, Ségolène Royal, a signat un decret al començament de genièr, amb Manuel Valls, que declara los trabalhs d’aquela linha “d’utilitat publica e urgents”. Dimècres passat la ministra expliquèt a l’AFP qu’o faguèt per “solidaritat governamentala” mas pensa qu’un recors davant lo Conselh d’Estat “es ben possible que capite”.
“Soi pas brica favorabla a aquesta LGV. Totes sabon mon opinion sul sicut. Èri pel melhorament de la linha existenta, mai eficaça”, çò indiquèt la ministra. “Los elegits de Lemosin an volgut absoludament aquela declaracion d’utilitat publica. Respècti la diversitat d’opinions. Ai agit per solidaritat governamentala”, çò precisèt. De mai, la ministra apondèt que “las associacions, de conselhs generals e de comunas faràn un recors davant lo Conselh d’Estat per contestar l’utilitat publica del projècte”, e ela pensa qu’“es ben possible qu’obtengan satisfaccion”.
Royal pensa que “lo còst d’una infrastructura coma aquesta per rapòrt al finançament es desequilibrat” e que “lo finançament es absoludament pas aquerit”.
Ara los elegits lemosins del PS e de l’UMP son confonduts. Eles avián saludat “lo coratge de las mai nautas autoritats de l’estat” per aver reconegut los trabahs “d’utilitat publica e urgents”. Segon l’AFP, eles faguèron los esfòrces maximals per que l’executiu francés priorizèsse la construccion d’aquela linha.
Lo projècte d’aquela linha ja foguèt mal vist per la Cort dels Comptes dins un rapòrt en octòbre que lo declarèt “pauc coerent” e tròp car.
Quand èra presidenta de la region de Peitau-Charantas, Royal aviá ja refusat de finançar l’LGV entre Bordèu e Tors, que serà mesa en servici en 2017.
“Soi pas brica favorabla a aquesta LGV. Totes sabon mon opinion sul sicut. Èri pel melhorament de la linha existenta, mai eficaça”, çò indiquèt la ministra. “Los elegits de Lemosin an volgut absoludament aquela declaracion d’utilitat publica. Respècti la diversitat d’opinions. Ai agit per solidaritat governamentala”, çò precisèt. De mai, la ministra apondèt que “las associacions, de conselhs generals e de comunas faràn un recors davant lo Conselh d’Estat per contestar l’utilitat publica del projècte”, e ela pensa qu’“es ben possible qu’obtengan satisfaccion”.
Royal pensa que “lo còst d’una infrastructura coma aquesta per rapòrt al finançament es desequilibrat” e que “lo finançament es absoludament pas aquerit”.
Ara los elegits lemosins del PS e de l’UMP son confonduts. Eles avián saludat “lo coratge de las mai nautas autoritats de l’estat” per aver reconegut los trabahs “d’utilitat publica e urgents”. Segon l’AFP, eles faguèron los esfòrces maximals per que l’executiu francés priorizèsse la construccion d’aquela linha.
Lo projècte d’aquela linha ja foguèt mal vist per la Cort dels Comptes dins un rapòrt en octòbre que lo declarèt “pauc coerent” e tròp car.
Quand èra presidenta de la region de Peitau-Charantas, Royal aviá ja refusat de finançar l’LGV entre Bordèu e Tors, que serà mesa en servici en 2017.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Aviái vist una mena de ret que semblava la d'un tescut, pausada subre lo nòstre territòri occitan pel trabalh d'un teorician catalan de la gestion descentralizada d'un territòri, e las vòstras remarcas m'in fan positivament pensar : un païstatge sens centre fisic, que lo sieu sol centre es la lenga.
Manca tanben una transoccitana-arpitana eficaça (que aura, quò es 'na catastròfa) Bordeu-Limòtges-Clarmont-Lyon sens parlar de Limòtges-Orlhac-Rodés-Montpelhier que siriá pas mau tanpauc.
Una linha plan modernizada, regulara e confortabla deuriá èsser Lemòtge - Tolosa- Narboana - Perpinhan - Barcelona - Valéncia. Una autra, tant importanta coma aquesta, davalariá de Clarmont-Ferrand cap a Montpelhièr puèis Narbona - Barcelona - Valéncia. La tresana demoranat naturalament la transoccitana classica Bordèu - Tolosa - Narbona - Montpelhièr - Marselha - Nissa.
Aqu„i o auretz remarcat, Narbona apareis a cada còp coma una plaça estrategica mai que fòrta : un ròtle capital, se que non de capitala…
Cresi que cal més adobar les linhas normals, per exemple la linha Barcelona - Montpeller,quan pots pas agafar lo directe de Barcelona a Montpelhier,has de faire trasbord a Portbou e a voltes as d'esperar hores. Los vagons estan al solelh e quan has de pujar al tren a l'estiu sembla un vagó de deportats. Fa una calor que te mors.
Perque los politics an developpat las relacions economicas segond dos axes que partan tots de Paris l'un vers Bordeu e lo pais basque, l'autre vers Lion e la mar miejaterrana. Entre los dos i a un desert, la partida cancerosa de la França, le bois dur d'un aubre, aquel qu'es pus alimentat per la seva noriciera. Lo temps ente las linhas de chamin de far s'enfonçavan dins lo sud per i ramenar una man d'oeubra sur Paris es 'chabat. A la plaça, i a un desert: lo teritori pudis le vielh. Los limosins an fan de las manifestacions. Quand los occitanistes manifestavan a Tolosa per la lenga occitana, lo tren era arestar entre Solhac e Caors e quauques manifestants avian escrich sur una pancarta ; " si vos platz, fasetz pas de nòstra regions un desert"!
çò qu' a besonh l'aquiten-limosin-peitos-charentes quo es d'una drubertura vers la mar miejaterrana. çò qu'a besonh lo provençau quo es d'una drubertura vers l'atlantica; çò qu' a besonh l'auvernhat, quo es d'una drubertura vers lo pais gascon e las pireneus. Porian dire tanben que Lion a besonh d'una drubertura vers sa partida oest e sud-oest direct sens passar per Paris o per Narbona.
Autrement dich es temps per la França de cambiar sos drapeus en botant las bandas verticalas dins lo sens orizontau. Es tot lo sens dau developament de la cultura occitana per nos far passar d'una sensacion negra d'esser "made in frança" a una sensacion de pesar sur lo plan politic e, d'esser actor de nòstra destinada. A segre e adissiatz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari