Actualitats
Syriza es al bòrd de la majoritat absoluda: Grècia a dich que n’i a pro
Lo primièr ministre en foncions, Antonis Samaras, admetèt sul pic la desfacha. Los neofaissistas son la tresena fòrça del Parlament
Syriza es al bòrd de la majoritat absoluda de l’eleccion legislativa grèga que se debanèt ièr. La majoritat absoluda es als 151 deputats, e lo partit d’Alexis Tsipras n’auriá obtengut a l’entorn de 149, quand l’escrutini es pas encara acabat. Del costat dels conservators de la Nòva Demoracia, lo primièr ministre en foncions Antonis Samaras admetèt sul pic la desfacha amb mens del 30% dels vòtes e aperaquí 76 deputats. Lo partit neofaissista Chrysi Avgi (“Alba Daurada”) se confirma a la tresena posicion amb un 6,3% dels vòtes, del temps que lo partit centrista To Potami (“Lo Riu”) es jos aquel percentatge. Los socialistas del PASOK an perdut mai de sèt ponches percentuals e aurián acabat a la seisena posicion, amb solament un 4,67% dels vòtes, darrièr los comunistas del KKE (5,47%). Lo partit dels Grècs Independents intrariá tanben al Parlament del temps que la scission del PASOK de l’èx-ministre Georgios Papandreou restariá defòra.
La Nòva Democracia, qu’èra fins ara lo partit del govèrn, reconeguèt sul pic que Syriza es la primièra fòrça del país. De son costat, Syriza a dich qu’“es una victòria istorica que dona d’esperança als ciutadans grècs qu’an votat contra l’austeritat”.
Lo parlament grèc a 300 deputats, donc la majoritat absoluda s’atenh amb 151 deputats. Lo resultat de Syriza compren ja los 50 deputats addicionals que los autreja lo sistèma electoral grèc al partit mai votat; es una mesura que se prenguèt precisament per empedir que Syriza capitèsse ben, en tot favorir los grands partits tradicionals.
Podètz seguir l’escrutini e los resultats sus aquesta pagina del Ministèri grèc de l’Interior.
Una eleccion de granda transcendéncia
Grècia a votat en una eleccion d’una granda transcendéncia. S’agís d’un vòte avançat, a la mitat de la legislatura e qu’a donat lo poder a Syriza, lo partit de l’esquèrra radicala, que l’Union Europèa s’es mobilizada contra el amb granda intensitat. La possibilitat d’aquela victòria aviá causat als creditors la paur de l’impagament del deute de Grècia e de nòvas especulacions sus la sortida del país de l’èuro.
La cancelièra alemanda, Angela Merkel, faguèt quitament una crida divendres als grècs per que demorèsson dins l’Eurozòna. “Dins los nòstres principis i a la solidaritat (…). Vòli que Grècia, malgrat las dificultats, faga partida de la nòstra istòria”, çò diguèt.
La moderacion de Syriza
De son costat, Syriza a moderat fòrça son discors e, de fach, pendent la campanha electorala, a pas pus parlat de prene de decisions unilateralas sus l’èuro ni sus l’economia grèga. Cèrca puslèu d’acòrdis amb Euròpa per cambiar los efièches nocius de la politica d’austeritat. E dins l’Union Europèa, fòrça mond creson que cal ensajar de reorientar la situacion del país a travèrs de Syriza. Los mercats semblan calmats e agachan l’eleccion de Grècia d’un biais fòrça tranquil, per rapòrt a fa dos ans e mièg.
La Nòva Democracia, qu’èra fins ara lo partit del govèrn, reconeguèt sul pic que Syriza es la primièra fòrça del país. De son costat, Syriza a dich qu’“es una victòria istorica que dona d’esperança als ciutadans grècs qu’an votat contra l’austeritat”.
Lo parlament grèc a 300 deputats, donc la majoritat absoluda s’atenh amb 151 deputats. Lo resultat de Syriza compren ja los 50 deputats addicionals que los autreja lo sistèma electoral grèc al partit mai votat; es una mesura que se prenguèt precisament per empedir que Syriza capitèsse ben, en tot favorir los grands partits tradicionals.
Podètz seguir l’escrutini e los resultats sus aquesta pagina del Ministèri grèc de l’Interior.
Una eleccion de granda transcendéncia
Grècia a votat en una eleccion d’una granda transcendéncia. S’agís d’un vòte avançat, a la mitat de la legislatura e qu’a donat lo poder a Syriza, lo partit de l’esquèrra radicala, que l’Union Europèa s’es mobilizada contra el amb granda intensitat. La possibilitat d’aquela victòria aviá causat als creditors la paur de l’impagament del deute de Grècia e de nòvas especulacions sus la sortida del país de l’èuro.
La cancelièra alemanda, Angela Merkel, faguèt quitament una crida divendres als grècs per que demorèsson dins l’Eurozòna. “Dins los nòstres principis i a la solidaritat (…). Vòli que Grècia, malgrat las dificultats, faga partida de la nòstra istòria”, çò diguèt.
La moderacion de Syriza
De son costat, Syriza a moderat fòrça son discors e, de fach, pendent la campanha electorala, a pas pus parlat de prene de decisions unilateralas sus l’èuro ni sus l’economia grèga. Cèrca puslèu d’acòrdis amb Euròpa per cambiar los efièches nocius de la politica d’austeritat. E dins l’Union Europèa, fòrça mond creson que cal ensajar de reorientar la situacion del país a travèrs de Syriza. Los mercats semblan calmats e agachan l’eleccion de Grècia d’un biais fòrça tranquil, per rapòrt a fa dos ans e mièg.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreta europea a d'acceptar lo resultat de las eleccions, ja es comencen a sentir mentides per tal de desqualificar los resultats, que se s'an de tornar a fer unes altres eleccions, que se lo partit soci de coalició son d'extrema dreta, tot mentides capitalistes. Açò és pas democràtic. Açò es d'extrema dreta, açò es feixisme.
#2 "Donc, son passats a dreita". Exageratz. Dins la pensada marxista, es normal qu'un movement comunista o socialista faga d'alianças e de compromeses amb de movements borgeses quand aquò es estrategicament necessari per liberar lo país de l'imperialisme. Lo refús rigid de tot compromés, aquò es pas de marxisme.
De son costat, Syriza a moderat fòrça son discors e, de fach, pendent la campanha electorala, a pas pus parlat de prene de decisions unilateralas sus l’èuro ni sus l’economia grèga. Donc, son passats a dreita, coma Holande, ni mai ni mens. Non se pòt pas tractar ni discutir amb lo capitalisme. Quora discutissèm amb el, d'ara endavant, discutissèm de quant predrèm… Ja qu'amb eles, los que fan pas partidas dels 1% dominants, perdèm de mai en mai.
Per Grècia i aura aura una eleccion presidenciala al mes de Fèvrier e benlèu una autra legislativa al mes de Mars se cap d'accòsis se fan...
Qualques chifras :
Caumatge 25%
Deute 175% del PIB
Taus de manlèu DEvèrs 10%
De qu'un sarà lo pretz, pels grècs e pels euròpa ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari