Actualitats
Los curds an recuperat Kobanê
Las Unitats de Proteccion Populara (YPG) an recuperat tota la vila e qualques vilatges d’a l’entorn
Las Unitats de Proteccion Populara (YPG), menadas per Mahmoud Barkhadan, an recuperat Kobanê, una de las vilas mai grandas de la region curda de l’estat sirian al bòrd de la frontièra amb l’estat turc. La vila es estada contrarotlada per l’Estat Islamic dempuèi setembre passat e sa recuperacion es “lo principal objectiu de las fòrças curdas contra l’Estat Islamic”, segon lo cap dels curds sirians Saleh Muslin Mohammad.
Las fòrças de las YPG an recuperat fin finala lo quartièr de Kani Erban, dins la zòna de Tishreen School e Maqtalah, en prenent, aital, lo contraròtle total de la vila. An ganhat tanben lo contraròtle de l’intrada principala a Kobanê, sus l’estrada que va cap a Alèp, e dominan lo puèg de Mishtenur. Aital, als militants de l’Estat Islamic lor a calgut recular per la zòna èst de Kobanê. Dins aquela situacion, los combatents de las YPG, amb lo sosten de las milícias rebèllas, poirián prene lo vilatge de Mamid, al sud-oèst de la vila.
De son costat, l’Estat Islamic a mandat als fronts de batalha de Kobanê un batalhon d’aperaquí 140 soldats, que la majoritat d’eles son de menors d’edat e que fa pauc de temps que jonguèron los camps d’entraïnament dels islamistas. Mas los curds serián sostenguts per los atacs aerians massisses de l’armada dels Estats Units e de sos aliats.
Las fòrças de las YPG an recuperat fin finala lo quartièr de Kani Erban, dins la zòna de Tishreen School e Maqtalah, en prenent, aital, lo contraròtle total de la vila. An ganhat tanben lo contraròtle de l’intrada principala a Kobanê, sus l’estrada que va cap a Alèp, e dominan lo puèg de Mishtenur. Aital, als militants de l’Estat Islamic lor a calgut recular per la zòna èst de Kobanê. Dins aquela situacion, los combatents de las YPG, amb lo sosten de las milícias rebèllas, poirián prene lo vilatge de Mamid, al sud-oèst de la vila.
De son costat, l’Estat Islamic a mandat als fronts de batalha de Kobanê un batalhon d’aperaquí 140 soldats, que la majoritat d’eles son de menors d’edat e que fa pauc de temps que jonguèron los camps d’entraïnament dels islamistas. Mas los curds serián sostenguts per los atacs aerians massisses de l’armada dels Estats Units e de sos aliats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
los kurdes son a mand de ganhar la lor libertat dins una guerra qu'an perduts ja fòrça fins aquí.
La communautat internacionala se deuriá despertar e far lo sieu trabalh en anar ajudar un pauc mai aquela armada , puslèu que soncament getar de bòmbs!
Los kurdes fan lo trabalh solet mas se pòt plan que, s'arriban a butar defòra completament lo Daèsh, los ancians colonisaires los colhonen en lor refusar de venir un estat en se calant davant Erdogan e los autres dirigents de Siria, Irac e Iran.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari