Ongan, las Febrejadas de l’Ostal Sirventés (79 Carrièra Trivala, a Carcassona), a l’iniciativa de l’IEO Aude e del Cercle Occitan del País de Carcassona, auràn per tèma l’Africa mercé a una mòstra de fotografias e dos rescontres.
Las fotografias de blanc e negre son del fotograf Yannis Bautrait que las prenguèt en Burkina Faso, dins lo vilatge de Lô, dins l’encastre d’un viatge umanitari de l’associacion audenca Saaba. Se diriá que sos imatges, que s’estacan a l’uman e a l’emocion, son suspenduts dins lo temps. L’estrena de la mòstra se farà lo dijòus 5 de febrièr a 18h30. Mòstra presentada cada jorn de 15h a 19h fins al 13 de febrièr (levat la dimenjada).
Lo dimècres 11 (18h30), Sèrgi Carles vendrà presentar sa revirada de l’autor sud-african André Brink del libre Una cadena de voses (edicions Letras d’Òc). Sèm en 1824, dins la campanha de l’Africa del Sud. Una revòlta d’esclaus portada per un espèr fòl de libertat sembla de capvirar lo mond ancian. Mèstres o esclaus, cada votz se fa alavetz lo resson de las paurs o dels sòmis dels òmes e de las femnas. Mas l’espèr durarà pas qu’un moment. Una cadena de voses es un raconte magnific d’André Brink, un dels màgers escrivans contemporanèus que Sèrgi Carles a revirat dins una lenga occitana aisida e mestrejada. Presentarà lo roman e ne legirà qualques tròces en occitan e francés abans un escambi amb lo public.
Segond rendètz-vos lo divendres 13 (18h30) amb Aurelian Chayre que passèt sièis meses en 2014 a Kolda en Senegal dins una accion de cooperacion (amb lo concors de l’associacion SYFSED, Sinergia Francosenegalesa per l’Education e lo Desvolopament) que ne rendèt compte mercé a una cronica setmanièra en lenga nòstra. Sas 23 cronicas son recampadas per l’IEO Aude dins una brocadura A l’ombra d’un mango [A l’ombra d’un manguièr] que compren tanben un pichon lexic pul-occitan, de provèrbis, de recèptas de cosina... “A l’ombra d’un mango senegalés, poguèri admirar un autre biais de viure, mai respectuós de la natura e fòrça mai uman. L’argent e lo trabalh son pas de valors importantas coma per nosautres «al nòrd». Aquelas valors nos fan veire lo Mond coma un grand mercat puslèu que coma una efervescéncia de vida!”.
Per mai d’entresenhas: +33(0)4 68 25 19 78; ostal.sirventes(a)wanadoo.fr
Ostal Sirventés
Las fotografias de blanc e negre son del fotograf Yannis Bautrait que las prenguèt en Burkina Faso, dins lo vilatge de Lô, dins l’encastre d’un viatge umanitari de l’associacion audenca Saaba. Se diriá que sos imatges, que s’estacan a l’uman e a l’emocion, son suspenduts dins lo temps. L’estrena de la mòstra se farà lo dijòus 5 de febrièr a 18h30. Mòstra presentada cada jorn de 15h a 19h fins al 13 de febrièr (levat la dimenjada).
Lo dimècres 11 (18h30), Sèrgi Carles vendrà presentar sa revirada de l’autor sud-african André Brink del libre Una cadena de voses (edicions Letras d’Òc). Sèm en 1824, dins la campanha de l’Africa del Sud. Una revòlta d’esclaus portada per un espèr fòl de libertat sembla de capvirar lo mond ancian. Mèstres o esclaus, cada votz se fa alavetz lo resson de las paurs o dels sòmis dels òmes e de las femnas. Mas l’espèr durarà pas qu’un moment. Una cadena de voses es un raconte magnific d’André Brink, un dels màgers escrivans contemporanèus que Sèrgi Carles a revirat dins una lenga occitana aisida e mestrejada. Presentarà lo roman e ne legirà qualques tròces en occitan e francés abans un escambi amb lo public.
Segond rendètz-vos lo divendres 13 (18h30) amb Aurelian Chayre que passèt sièis meses en 2014 a Kolda en Senegal dins una accion de cooperacion (amb lo concors de l’associacion SYFSED, Sinergia Francosenegalesa per l’Education e lo Desvolopament) que ne rendèt compte mercé a una cronica setmanièra en lenga nòstra. Sas 23 cronicas son recampadas per l’IEO Aude dins una brocadura A l’ombra d’un mango [A l’ombra d’un manguièr] que compren tanben un pichon lexic pul-occitan, de provèrbis, de recèptas de cosina... “A l’ombra d’un mango senegalés, poguèri admirar un autre biais de viure, mai respectuós de la natura e fòrça mai uman. L’argent e lo trabalh son pas de valors importantas coma per nosautres «al nòrd». Aquelas valors nos fan veire lo Mond coma un grand mercat puslèu que coma una efervescéncia de vida!”.
Per mai d’entresenhas: +33(0)4 68 25 19 78; ostal.sirventes(a)wanadoo.fr
Ostal Sirventés
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari