Actualitats
L’Estat Islamic a sagatat dos ostatges japoneses
Lo govèrn japonés a condemnat las execucions en afirmant que cedirà pas jamai davant los terroristas
Qualques jorns après aver tuat l’ostatge japonés Haruna Yukawa, l’’Estat Islamic auriá sagatat ara lo jornalista japonés Kenji Goto, un expèrt correspondent de guèrra que l’avián raubat en Siria. L’organizacion jihadista a publicat un vidèo sus Internet que mòstra l’assassinat. Dins lo vidèo, que publicarem pas per respècte de la victima, lo borrèl s’adreiça al primièr ministre japonés, Shinzo Abe, e menaça de far mai d’accions contra Japon perque Japon a sostengut la campanha militara contra l’Estat Islamic en Siria e Iraq.
Lo govèrn japonés a condemnat l’execucion en afirmant que cedirà pas jamai davant los terroristas, e en assegurant que l’assassin de Goto serà menat als tribunals.
A l’ocasion de la vesita del primièr ministre japonés al Pròche Orient fa un dotzenat de jorns, l’Estat Islamic demandèt a l’estat japonés un pagament de 200 milions de dolars per assassinar pas Keji Goto. Se tracta del meteis montant que la contribucion del govèrn japonés per luchar contra l’Estat Islamic.
Se se confirma l’identitat del jornalista, el seriá lo segond ostatge japonés tuat en una setmana en mans d’Estat Islamic.
Lo govèrn japonés a condemnat l’execucion en afirmant que cedirà pas jamai davant los terroristas, e en assegurant que l’assassin de Goto serà menat als tribunals.
A l’ocasion de la vesita del primièr ministre japonés al Pròche Orient fa un dotzenat de jorns, l’Estat Islamic demandèt a l’estat japonés un pagament de 200 milions de dolars per assassinar pas Keji Goto. Se tracta del meteis montant que la contribucion del govèrn japonés per luchar contra l’Estat Islamic.
Se se confirma l’identitat del jornalista, el seriá lo segond ostatge japonés tuat en una setmana en mans d’Estat Islamic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
# 1-Cal legir : confessionalizacion que montarà l'integrisme;
En belgica, lo musèu Hergé a anullat son expausicion Hommage à Charlie-Hebdo. A Villiers-sur Marne, deprogramacion del film Timbuktu per la paur d'incitar al terrorisme ... Es longa la tièra.
Los efèits de la coardariá los aurem dins l'encoratjament a una confessionalizacion "rampante" de nòstra societat ( i seràn TOTAS las religions ), que, la primèra, montarà l'integrisme; o ditz l'istòria.
De monde assassinats per motiu religiós es pas per s'acabar abans longtemps se ganha l'INTIMIDACION.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari