Actualitats
Orlhac: condemnat a tres ans de preson per trafec d’èssers umans
Auriá forçat dos joves a trabalhar a l’arrancatge de la gençana amb de menaças, intimidacions e extorsions
Lo tribunal correccional d’Orlhac (Castanhau) condamnèt dijòus passat un esplechaire forestièr a tres ans de preson per trafec d’èssers umans. Se tracta d’un òme de 45 ans, ciutadan francés d’origina marroquina, qu’aviá sequestrat, extorquit e reduch a un estat dee quasi-esclavatge dos joves de 21 e 22 ans de son vilatge natal de Marròc. Lo filh del sequestrator l’an tanplan condemnat a un an de preson per complicitat de raubament de persona e d’extorsion amb violéncia.
Segon çò que rapòrta l’AFP, aquel afar comencèt en març d’arunan. Lo condemnat faguèt venir los dos joves, qu’avián plan enveja d’anar trabalhar en Euròpa. Mas quand arribèron en Auvèrnhe, l’òme lor confisquèt los passapòrts. Segon la declaracion dels sequestrats, assistits per un interpèt, èran obligats de trabalhar 10 oras per jorn, totes los jorns de la setmana, a arrancar de gençana. Lo salari mandat sur lor compte èra immediatament reversat a lor emplegaire. Èran lotjats dins de condicions indignas dins un estudi d’Orlhac e patissián las violéncias, las intimidacions e lo cantatge.
De son costat lo condemnat nèga los faches. “Volián pas trabalhar. Caliá ben que me remborsèsson las despensas d’avion, d’immigracion e las cargas de l’apartament”, çò diguèt.
En setembre passat, los acusats menèron los dos joves en Marròc. Anavan quèrre 7000 èuros que las familhas dels joves sequestrats devián pagar a l’esplechaire en escambi d’aver menat los dos joves en Euròpa amb un emplec. Mas en traversant l’estat espanhòl, un dels joves capitèt a fugir e anèt còp sec a Orlhac per far sa denóncia. La polícia arrestèt los esplechaires en decembre.
Al domicili dels acusats trobèron los passapòrts confiscats dels dos joves e de documents verges que las victimas aurián signat, menaçadas d’un cotèl.
Dins lo jutjament s’entendèt de causas esglasiantas. D’un costat los joves declarèron que vivián dins la paur, mentre que lo substitut del procuraire expliquèt la duretat del trabalh que fasián: “cal qu’un salariat arranque 180 quilos de gençana cada jorn per que siá rendable. Es enòrme coma trabalh. Degun o vòl pas faire”.
De son costat, l’avocat que defendiá l’esplechaire forestièr insistiguèt sus las “insufisenças de la procedura”. “Levat las declaracions dels salariats, avèm pas cap d’element material”, çò diguèt.
Segon çò que rapòrta l’AFP, aquel afar comencèt en març d’arunan. Lo condemnat faguèt venir los dos joves, qu’avián plan enveja d’anar trabalhar en Euròpa. Mas quand arribèron en Auvèrnhe, l’òme lor confisquèt los passapòrts. Segon la declaracion dels sequestrats, assistits per un interpèt, èran obligats de trabalhar 10 oras per jorn, totes los jorns de la setmana, a arrancar de gençana. Lo salari mandat sur lor compte èra immediatament reversat a lor emplegaire. Èran lotjats dins de condicions indignas dins un estudi d’Orlhac e patissián las violéncias, las intimidacions e lo cantatge.
De son costat lo condemnat nèga los faches. “Volián pas trabalhar. Caliá ben que me remborsèsson las despensas d’avion, d’immigracion e las cargas de l’apartament”, çò diguèt.
En setembre passat, los acusats menèron los dos joves en Marròc. Anavan quèrre 7000 èuros que las familhas dels joves sequestrats devián pagar a l’esplechaire en escambi d’aver menat los dos joves en Euròpa amb un emplec. Mas en traversant l’estat espanhòl, un dels joves capitèt a fugir e anèt còp sec a Orlhac per far sa denóncia. La polícia arrestèt los esplechaires en decembre.
Al domicili dels acusats trobèron los passapòrts confiscats dels dos joves e de documents verges que las victimas aurián signat, menaçadas d’un cotèl.
Dins lo jutjament s’entendèt de causas esglasiantas. D’un costat los joves declarèron que vivián dins la paur, mentre que lo substitut del procuraire expliquèt la duretat del trabalh que fasián: “cal qu’un salariat arranque 180 quilos de gençana cada jorn per que siá rendable. Es enòrme coma trabalh. Degun o vòl pas faire”.
De son costat, l’avocat que defendiá l’esplechaire forestièr insistiguèt sus las “insufisenças de la procedura”. “Levat las declaracions dels salariats, avèm pas cap d’element material”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari