Actualitats
Lo govèrn de Croàcia ordena d’escafar los deutes dels ciutadans mai paures
Aperaquí 60 000 ciutadans veiràn lors deutes transferits a la carga de las bancas, dels operators de telecomunicacions e dels fornidors de servicis publics, per fin que pòscan “tornar començar”
Lo govèrn de Croàcia a ordenat a las bancas d’escafar los deutes dels ciutadans qu’ajan un revengut mesadièr de mens de 160 èuros per membre familial, e cal que lo deute maximal siá de 4500 èuros. Aquela mesura beneficiarà aperaquí a 60 000 ciutadans qu’an pas cap de proprietat ni d’estalvis. Es a la mitat de genièr que lo govèrn croat prenguèt aquela decision e ièr comencèt lo procès de liquidacion.
Lo còst de l’anullacion d’aqueles deutes, estimat a 256 milions d’èuros aperaquí, lo deuràn assumir las bancas, los operators de telecomunicacions e los fornidors de servicis publics. La tòca es qu’aqueles ciutadans ajan l’escasença de “tornar començar”, çò diguèt la primièra ministra Milanka Opačić.
En julhet passat èran aperaquí 317 000 ciutadans de Croàcia qu’avián lor compte bancari blocat per impagament de facturas. Croàcia a 4,4 milions d’abitants.
Lo còst de l’anullacion d’aqueles deutes, estimat a 256 milions d’èuros aperaquí, lo deuràn assumir las bancas, los operators de telecomunicacions e los fornidors de servicis publics. La tòca es qu’aqueles ciutadans ajan l’escasença de “tornar començar”, çò diguèt la primièra ministra Milanka Opačić.
En julhet passat èran aperaquí 317 000 ciutadans de Croàcia qu’avián lor compte bancari blocat per impagament de facturas. Croàcia a 4,4 milions d’abitants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Son cada cop mai los que estan pas d'acord amb las mesures de la troica a base de retalhades e far passar fam a las classes mai desfavorides, e donar los diners públics que son de tots als bancs privats. Los partits de la socialdemocràcia europea an dit que cal escoltar a Siriza. La responsa és e quan los bancs privats tornaran los diners publics que los varen deixar? Quants ja n'an tornats e quants mancan per tornar?
Macarèl! la gripa surizenca s'espandís! Aquò far plaser! L'agantèsse lo Macron, ne'n plorariam pas! E los repapiaires televisius se daissèssen contaminar, començarián de far la diferéncia entre la "santat" d'un país e la situacion de sos estajants. Quand ausissi pel fenestron o sus las ondas qu'Espanha va melhor e vesi qu'aqueles cinics se gardan de parlar del mond que se desfenèstra perque los van fòrabandir de son ostal, es de racar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari