Actualitats
Vèto de Grècia al TTIP
Lo govèrn de Syriza a dich que ratificarà pas lo tractat del TTIP, que lo blocarà al Parlament del país e que lo vedarà al Conselh d’Euròpa
Grècia ratificarà pas lo tractat de liure escambi, dich TTIP o TAFTA, previst entre l’Union Europèa e los Estats Units. E doncas, aquel tractat se poirà pas metre en marcha se l’Union Europèa tròba pas una manièra de superar lo vèto grèc. Mas a l’ora d’ara, per qu’aquel acòrdi transatlantic de grand espaci de liure escambi intre en vigor, cal lo vòte a l’unanimitat del Conselh Europèu, ont son representats totes los estats.
Lo nòu ministre grèc de la reforma administrativa, Georgios Katrougkalos, anoncièt ièr a Euroactiv que jamai ratificarà lo TTIP. Segon sas declaracions, seriá dispausat a blocar lo tractat al parlament de Grècia e a preconizar lo vèto al Conselh Europèu.
Katrougkalos es estat fins fa gaire europarlamentari per Syriza e lai aviá demostrat son oposicion a aquel tractat. El se manifèsta fòrça critic amb lo tractat, mai que mai per qualques previsions que conten, que se pòdon interpretar coma un refortiment de las companhiás multinacionalas al dessús del poder regulador dels estats.
L’Union Europèa e los Estats Units vòlon arribar dempuèi longtemps a aquel acòrdi transatlantic per crear un grand espaci de liure escambi, mas la question a levat de polemicas e d’oposicions: d’activistas e de formacions d’esquèrra an lançat de campanhas contra lo dich TTIP. Dins l’occitanisme politic, Libertat s’es tanben manifestada contra lo tractat.
Lo nòu ministre grèc de la reforma administrativa, Georgios Katrougkalos, anoncièt ièr a Euroactiv que jamai ratificarà lo TTIP. Segon sas declaracions, seriá dispausat a blocar lo tractat al parlament de Grècia e a preconizar lo vèto al Conselh Europèu.
Katrougkalos es estat fins fa gaire europarlamentari per Syriza e lai aviá demostrat son oposicion a aquel tractat. El se manifèsta fòrça critic amb lo tractat, mai que mai per qualques previsions que conten, que se pòdon interpretar coma un refortiment de las companhiás multinacionalas al dessús del poder regulador dels estats.
L’Union Europèa e los Estats Units vòlon arribar dempuèi longtemps a aquel acòrdi transatlantic per crear un grand espaci de liure escambi, mas la question a levat de polemicas e d’oposicions: d’activistas e de formacions d’esquèrra an lançat de campanhas contra lo dich TTIP. Dins l’occitanisme politic, Libertat s’es tanben manifestada contra lo tractat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Plan ! Dempuèi lo temps que disi qu'un mercat liure a pas besonh de tractat. Sustot pas d'un tribunal per atacar un estat per «manca a ganhar», nocion economicament fòrça contestabla.
#2 Aquò risca pas èsser socialista es aver d'idèias totas fachas !
en esperant aquò balharà idèas au partit SOCIALISTA que nos governa.
Mes que desempuèi aièrc sabem que la BCE, a levat lo regim de favor fach a las bancas grècas : aqueste podia manlevar argent al prèp de l'institucion amb garantidas mendres que se fan d'acostumat.
Vertat tanben que Grècia diguèc que d'ara endabans se passariç de la troica ( FMI, BCE, CE).
Cadun agacha lo dèute grèc de 320 milhards d'euròs amb serenadas e tibatge d'artelhs.. de qu'un es lo mai ronfut....
Sem en plen dins una aparada de guerra ont cadun estaloira son forniment de guerra...
Seguida : al còp que ven...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari