Actualitats
La BCE cèssa de finançar Grècia
Quita d’acceptar de bons de Grècia coma gatge dins las siás operacions de finançament
La Banca Centrala Europèa (BCE) a anonciat la decision drastica de barrar lo grifon de la liquiditat a las bancas grègas. Dins un comunicat emés ièr, la BCE diguèt que quitava d’acceptar coma gatge lo deute grèc dins sas operacions de finançament; doncas, acceptarà pas mai los bons emeses per Grècia, en fasent comprene qu’es pas possible d’assumir que lo plan de salvament del país s’acabe amb succès.
La mesura obliga las bancas grègas a se finançar a travèrs de la Banca de Grècia, mejançant lo programa de liquiditat d’urgéncia. Atenas deu acceptar las condicions d’un nòu salvament se, coma o manifestèt lo ministre grèc de las finanças Gianis Varoufakis, a pas l’intencion de demandar una prolongacion del programa de salvament actual.
Lo govèrn grèc a assegurat que, malgrat la decision de la BCE, la liquiditat bancària es garentida. Lo pòrtavotz del govèrn, Gavriil Sakelaridis, a remarcat que “i a pas de rason de chepic” e que se tracta d’una pression politica de la part de la BCE sus lo procès de negociacion de Grècia amb los sieus sòcis. Pasmens, la borsa d’Atenas tombèt ièr d’un –6,90% al començament de la jornada.
La mesura obliga las bancas grègas a se finançar a travèrs de la Banca de Grècia, mejançant lo programa de liquiditat d’urgéncia. Atenas deu acceptar las condicions d’un nòu salvament se, coma o manifestèt lo ministre grèc de las finanças Gianis Varoufakis, a pas l’intencion de demandar una prolongacion del programa de salvament actual.
Lo govèrn grèc a assegurat que, malgrat la decision de la BCE, la liquiditat bancària es garentida. Lo pòrtavotz del govèrn, Gavriil Sakelaridis, a remarcat que “i a pas de rason de chepic” e que se tracta d’una pression politica de la part de la BCE sus lo procès de negociacion de Grècia amb los sieus sòcis. Pasmens, la borsa d’Atenas tombèt ièr d’un –6,90% al començament de la jornada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 EStonant ? non pas ! Grècia diguèc que volia pus de la Troika ! ( La BCE, FMI et CE son los drest dets de la Toika.
Greca vai pas tardar a se virar vers una autra banca internacionala coma Russia o China e aver una moneda basada sur l'òr e non pas sur lo dolar. De la guera econonomic n'am pas tardar a passar a la guera tot cort. Europe a eitamnat sa decolonisacion.
Urosadament que lo grand cambiament arieba e que vai banlevar totas aquelas mentalitats. Fau pas creire au grand cambiament mas solament a vòstre pensada interiora que vòl pus auver aquò e que creda la patz, la patz, pertot. Pertot dins vòstre còr, dins vostra familha, dins la societat, au niveu daus estats e au niveu internacionau, patz, patz..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari