L’estiu passat, la fotografa Glenna Gordon aguèt l’escasença de trabalhar en un reportatge sus los jornalistas e toristas occidentals raubats —puèi liberats— per de grops jihadistas coma Al Qaida e l’Estat Islamic. En concret, Gordon s’interessèt a un aspècte que podiá semblar intranscendent, mas qu’es vital per las victimas d’una sequestracion: lors escassas besonhas pendent lo periòde de captivitat.
 
Fotografiar aqueles objèctes quotidians que los sequestrats portavan après èsser liberats en Siria e en Sahara servís a explicar qualques unas de las istòrias mai dolorosas del nòstre temps, çò argumenta Gordon.
 
Son d’objèctes plan normals, gaireben banals: una camiseta, un burca,  o ben una brústia de dents, un lum de pòcha, un jòc de cartas, un jòc d’escacs… Mas contenon —çò ditz la fotografa— una granda fòrça qu’illustra lo relat de lors proprietaris: Wolfgang Ebner, Javier Espinosa, Harald Galler, Nicholas Henin e Leila Kaleva.