Quantes còps avètz agut en mans una botelha de cervesa o de quina que siá autra bevenda e vos sètz avisats qu’aviatz pas de descapsulador a posita? Mai d’un cop, vertat? E quitament avètz tanplan ensajat de la dobrir, en capitant ben o mal, amb quin que siá objècte. Dins aqueste vidèo, lo mond de Watercooler nos prepausan catòrze biaisses pro efectius, e pas brica convencionals, de far sautar una capsula (o tap corona).
 
Demièg los exemples compreses, qualques unes son mai reüssits que d’autres, per exemple dobrir amb una boita de las letras, amb un martèl, amb una pèça de moneda, amb un plat de bicicleta e quitament amb un orinador.
 
Las possibilitats se limitan pas a las catòrze proposicions mençonadas dins lo vidèo: de fach, los autors se son inspirats del libre 99 ways to open a beer botllet without a bottle opener.