Eslovaquia votèt dissabte un referendum per decidir se los omosexuals podián aver l’egalitat dels dreches en se poder maridar e adoptar d’enfants. Aquel referendum, l’aviá demandat l’organizacion catolica Aliança per la Familha après amassar 400 000 signaturas. Mas lo referendum a mal capitat e a pas atengut lo 50% de participacion requerit. Solament lo 21% de las personas amb drech de vòte anèron votar, e votèron majoritàriament contra, après una campanha ultracatolica que comptava amb lo sosten de la Glèisa Catolica e qu’a quitament utilizat l’imatge del papa Francés sus las afichas.
Los ciutadans èran cridats a respondre a tres questions que comprenián l’adopcion d’enfants e se lo maridatge deu solament èsser format per un òme e una femna.
Divèrsas organizacions de dreches umans, coma Amnestia Internacionala, an alertat del perilh de la “discriminacion omofòba” que los referendums d’aquesta sòrta pòdon provocar. D’un autre costat, un estudi de l’Agéncia Europèa dels Dreches Fondamentals, que son sèti es a Viena, avertís que lo 52% dels omosexuals e transexuals eslovacs patisson las discriminacions a causa de lor biais d’aimar.
Los ciutadans èran cridats a respondre a tres questions que comprenián l’adopcion d’enfants e se lo maridatge deu solament èsser format per un òme e una femna.
Divèrsas organizacions de dreches umans, coma Amnestia Internacionala, an alertat del perilh de la “discriminacion omofòba” que los referendums d’aquesta sòrta pòdon provocar. D’un autre costat, un estudi de l’Agéncia Europèa dels Dreches Fondamentals, que son sèti es a Viena, avertís que lo 52% dels omosexuals e transexuals eslovacs patisson las discriminacions a causa de lor biais d’aimar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'altre dia estava parlant amb un conegut, e me diguet per telefon que s'havia casat, e per responsa me diguet un nom d'home. La veritat es que m'havia pasat jamai açò. Li donet la felicitacion. Naturalment que ho comprengueri, car jo vesia que era homosexual. M'ho diguet amb alegria e jo la veritat és que estiguí content de sa joia. Mas una altra causa es la d'adoptar filhs, sobre açò ai pas las ideas claras. Mas la glesia seria milhor que fes pas aquestas campanhas, perque lo que fan els de pas se maridar tampauc es un exemple.
Son que los omofòbs son estats votar, donc… 21% ? Aquò fa pas una majoritat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari