Lo festenal de cinèma LGBT de Tolosa a decernit sos prèmis
Lo prèmi del public es anat al filme “Lo cèrcle“ (Der Kreis) del director soís Stephan Haupt | www.des-images-aux-mots.fr
Per la siá 8a edicion lo festenal de cinèma LGBT (Lesbians, Gays, Bi e Trans) de Tolosa, anomenat “Des images aux mots“ s’es debanat del 2 al 8 de febrièr. Dins divèrsas salas de cinèma o de salas d’espectacles, 47 filmes dins tota mena de registres foguèron presentats al public pendent la setmana que durèt lo festenal. Ongan, la programacion s’es volguda fòrça eclectica en prepausar de filmes de pertot arreu lo monde (Estat francés, Itàlia, Estats-Units, Venezuela, Argentina, Alemanha, Paises-Basses, etc.) que sovent non son pas distribuits ençò nòstre.
La partida off del festenal prepausava doas mòstras, una exposicion de fòtos de Jana Asenbrennerova titolada “Living unnoticed“ sus la condicion dels LGBT de Congo e tanben una exposicion d’afichas dels filmes presentats ancianament al festenal.
L’edicion 2015 a premiat dos filmes. Lo prèmi del public es anat al filme “Lo cèrcle“ (Der Kreis) del director soís Stephan Haupt. Aqueste filme es un docudrama en lenga alemanda que presenta las amors entre un professor e un jove travestit dins lo contèxte de las primièras luchas en Soïssa pel drech dels omosexuals. Ja es estat guierdonat al festenal del filme de Berlin. Lo prèmi de la jurada es anat al filme “Soi tieu“ (Je suis à toi) del bèlga David Lambert. Conta l’istòria de Lucas un prostituat argentin qu’Henri, un fornièr de vilatge, fa venir coma gafet. Lo patron s’enamora de’n Lucas que lo rebufa mentre qu’el s’enamora de l’emplegada de la fornariá.
Lo cap-festenal “Des images aux mots” es acabat a Tolosa mas comença tra uèi dins tot Miègjorn-Pirenèus la partida regionala del festenal. Durarà fins al 6 de mars e comptarà 20 presentacions de filmes LGBT dins divèrsas vilas de la region.
TL
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo trabalh fait pel mond de LGBT es remirable, es un exemple de luta contra l'oppression en democràcia, amb la luta culturala contra la vergonha e la luta politica per l'egalitat dels dreits. Aquel festenal coma las Gay Prides mòstran que cal assumir son identitat per gasanhar lo dreit d'existir, e mai quand subissètz una repression juridica e morala terribla.
Lo trabalh fait pel mond de LGBT es remirable, es un exemple de luta contra l'oppression en democràcia, amb la luta culturala contra la vergonha e la luta politica per l'egalitat dels dreits. Aquel festenal coma las Gay Prides mòstran que cal assumir son identitat per gasanhar lo dreit d'existir, e mai quand subissètz una repression juridica e morala terribla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Lo trabalh fait pel mond de LGBT es remirable, es un exemple de luta contra l'oppression en democràcia, amb la luta culturala contra la vergonha e la luta politica per l'egalitat dels dreits. Aquel festenal coma las Gay Prides mòstran que cal assumir son identitat per gasanhar lo dreit d'existir, e mai quand subissètz una repression juridica e morala terribla.
Lo trabalh fait pel mond de LGBT es remirable, es un exemple de luta contra l'oppression en democràcia, amb la luta culturala contra la vergonha e la luta politica per l'egalitat dels dreits. Aquel festenal coma las Gay Prides mòstran que cal assumir son identitat per gasanhar lo dreit d'existir, e mai quand subissètz una repression juridica e morala terribla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari