Après la primièra euforia de la victòria, e abans d’aver pogut prononciar lo discors de politica generala, lo govèrn de J.M. Ayrault afronta d’aquesta passa las primièras dificultats. Un audit de la Cort dels Comptes, paregut diluns passat, poncha lo desequilibri financièr de l’Estat e preconiza d’estalviar 33 miliards d’èuros en 2013.
Pasmens, los esfòrces s’aviaràn sul pic. Per 2012, seràn ja d’economias de maites miliards qu’auràn d’èsser fachas. Pierre Moscovici, lo ministre de las finanças, parlèt la setmana passada d’un desenat de miliards d’èuros que caldrà trobar ongan.
Lo rapòrt de la Cort dels Comptes prepausa maitas pistas: una pujada de la TVA o de la CSG per exemple. Çò que seriá mal acceptat, probable, per la banda esquèrra del Partit Socialista, o pels autres movements de la majoritat, pr’amor del caractèr injust d’aquelas taxas que pertòcan tota la populacion sens tenir compte dels revenguts. Ça que la, la recomandacion principala deu rapòrt pòrta sus la baissa de las despensas puslèu que sus l’aumentacion de las intradas.
Aital, se parla ja d’una reorganizacion de l’intervencion publica. Se poiriá demenir lèu las allocacions familialas, las ajudas socialas, lo pagament del salari pels retirats e maitas autras ajudas publicas, que representan 34% de las despensas de l’Estat. Tanplan an ja anonciada una diminucion del nombre de foncionaris, mas una autra alternativa se poiriá trobar dins lo blocatge dels salaris. Enfin, la question dels grands projèctes d’investiment es pausada sus la taula. Es un tèma que pertocarà l’espaci occitan, de segur: las LGVs (linhas de granda velocitat) poirián èsser mesas en question per de rasons financièras, quand las rasons ecologicas e politicas presentadas per l’oposicion a aqueles projèctes èran pas estadas entendudas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Una bona leiçon ? Una bona leiçon de que ? Son responsables los ciutadans francés non-occitans de la situacion occitana ? Pas mai que los ciutadans francés de nacionalitat occitana, me sembla. An pas patit daus governaments francés ? Te sembla justa a te, una bona leiçon, la situacion daus nordistas ?
Creses vertadierament que lo governament francés gerir los afars de las terras franchimandas ? Per lo ben daus franchimands contra lo daus occitans ? Per me qu'es de l'avuglament nacionalista quò !
Me dirias, sei pas objectiu, sei penpiau occitan, franchimand d'un costat (enfin a pus pres) e basc de l'autre. Pòde pas compréner, sei un estrangier...
Encara un bon exerci de fotatge de gula!!!!
Coma se tot ja èra pas previst e planificat.
Quina insulta faita a l'intelingéncia dels ciutadans!
Que las tèrras de Franchimandistan sián en estat d'arroinas me'n cagui emai dirai qu'es una just retorn e una bona leiçon.
Mas çò que constati es que lo govèrn franchimand es en incapacitat totala de gerir los afars d'Occitània.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari