Actualitats
Niça: Carnaval se passa jos una nauta proteccion policièra
Los eveniments mai importants de la dimenjada se son anullats, mas lo passacarrièra niçard se passèt ièr de ser amb grand succès
Lo de Niça es lo tresen Carnaval del Mond après lo de Rio e lo de Venècia. Mas doas setmanas après l’agression contra tres militars, s’es debanat ongan jos nauta proteccion policièra. Aperaquí 400 efectius de policièrs, militars e agents privats se son encargats de la seguretat de l’eveniment. Mas, ailàs, los eveniments màgers de la dimenjada se son anullats e, en luòc dels gigants de carton-pasta, lo mond an pogut assistir al desplegament de las tropas de polícia dins lo centre vila, refortida per doas companhiás de CRS, una còla de desminaires e 350 militars mobilizats davant los sits de la vila considerats sensibles. Aquesta alèrta es prolongada fins al 1r de març, darrièr jorn del Carnaval niçard.
Dissabte s’anullèt lo passacarrièra de Carnaval e la batalha de flors a causa de la fòrta pluèja, e dimenge s’annulèt la batalha de flors e lo cortegi carnavalenc pr’amor qu’ongan la data conïcidissiá amb la Fèsta del Limon de Menton. Pasmens, se debanèt amb grand succès la Parada Niçarda, compausada per de carris realizats per las associacions de la vila e animada exclusivament per de niçards, mas dobèrta a totes.
Dissabte s’anullèt lo passacarrièra de Carnaval e la batalha de flors a causa de la fòrta pluèja, e dimenge s’annulèt la batalha de flors e lo cortegi carnavalenc pr’amor qu’ongan la data conïcidissiá amb la Fèsta del Limon de Menton. Pasmens, se debanèt amb grand succès la Parada Niçarda, compausada per de carris realizats per las associacions de la vila e animada exclusivament per de niçards, mas dobèrta a totes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabia pas que lo carnaval de Niça fos lo tercer del mond, de la qual cosa me'n alegre. E potser que siga per molts lo segon carnaval, car lo de Venecia lo vegi força avorrit amb aquelas mascaras orrorosas que fan paur. Lo de Rio sabi qu'és una grandassa festa, amb las mulatas, samba, la queipirinha. Lo milhor.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari