Actualitats
Grècia a refusat una autra proposicion de l’Eurogrop
Giannis Varoufakis qualifica l’ofèrta dels sieus omològs d’absurda e inacceptabla, del temps que Schäuble qualifica lo govèrn de Syriza d’irresponsable
Lo nòu govèrn grèc a tornat refusar ièr la proposicion de l’Eurogrop per prolongar lo pagament del deute del salvament economic, que ven caduc lo 28 de febrièr. Lo ministre grèc de las finanças, Giannis Varoufakis, a dich que l’ofèrta que li an fach los sieus omològs es “absurda e inacceptabla”. Varoufakis a avertit que, “quinas que sián las consequéncias”, pensa pas de passar “las linhas rojas” que Syriza a marcat e qu’acceptarà pas d’acòrdis que son “confuses per Grècia e per Euròpa”. Lo sieu omològ alemand, Wolfgang Schäuble, l’a acusat d’èsser un irresponsable: “Soi desolat pels grècs, mas an elegit un govèrn que se compòrta, per ara, d’un biais fòrça irresponsable”, çò a dich a la ràdio alemanda Deutschlandfunk.
De son costat, lo ministre espanhòl de las finanças, Luis de Guindos, a avertit que Grècia deu tornar tot l’argent que li an prestat. “Per nosautres i a una linha roja que se pòt pas passar, e es que los prèstes los cal remborsar integralament”.
Tanben lo comissari europèu dels afars economics, Pierre Moscovici, a afirmat que la conclusion de la reünion de l’Eurogrop deu “prene en compte lo programa electoral de Syriza que los ciutadans grècs an votat, mas tanben los engatjaments de l’Union Europèa”
Los perilhs del desacòrdi
La majoritat dels ministres de l’Eurozòna insistissián ja la setmana passada per que lor omològ grèc, Giannis Varoufakis, demandèsse una prolongacion del salvament. Mas lo govèrn de Tsipras vòl pas alongar l’aplicacion de certanas condicions qu’an escandalizat la majoritat de la societat grèga.
Tsipras vòl un programa pont que meta fin a l’austeritat e qu’adocisca la carga del deute grèc mentre que se negòcia un nòu acòrdi amb los creditors en substitucion del programa actual. “Atendi una negociacion malaisida, mas ai fòrça fisança. Grècia serà, dins mièg an, un país entièrament diferent”, çò diguèt dimenge lo primièr ministre grèc.
Se i a pas cap d’acòrdi, i a la temor que Grècia intre en una crisi de crèdit que la poiriá daissar en defòra de l’Eurozòna.
Grècia se fisa de trobar un acòrdi dins los jorns venents
Pasmens, Varoufakis s’es dich fisançós sus la possibilitat de trobar un acòrdi. “Ai pas cap de dobte que dins las 48 oras venentas, Euròpa reüssirà a nos sometre [un document] per que comencem lo vertadièr trabalh e per qu’adobem un novèl contracte”, çò diguèt ièr lo ministre grèc als mèdias.
De son costat, lo ministre espanhòl de las finanças, Luis de Guindos, a avertit que Grècia deu tornar tot l’argent que li an prestat. “Per nosautres i a una linha roja que se pòt pas passar, e es que los prèstes los cal remborsar integralament”.
Tanben lo comissari europèu dels afars economics, Pierre Moscovici, a afirmat que la conclusion de la reünion de l’Eurogrop deu “prene en compte lo programa electoral de Syriza que los ciutadans grècs an votat, mas tanben los engatjaments de l’Union Europèa”
Los perilhs del desacòrdi
La majoritat dels ministres de l’Eurozòna insistissián ja la setmana passada per que lor omològ grèc, Giannis Varoufakis, demandèsse una prolongacion del salvament. Mas lo govèrn de Tsipras vòl pas alongar l’aplicacion de certanas condicions qu’an escandalizat la majoritat de la societat grèga.
Tsipras vòl un programa pont que meta fin a l’austeritat e qu’adocisca la carga del deute grèc mentre que se negòcia un nòu acòrdi amb los creditors en substitucion del programa actual. “Atendi una negociacion malaisida, mas ai fòrça fisança. Grècia serà, dins mièg an, un país entièrament diferent”, çò diguèt dimenge lo primièr ministre grèc.
Se i a pas cap d’acòrdi, i a la temor que Grècia intre en una crisi de crèdit que la poiriá daissar en defòra de l’Eurozòna.
Grècia se fisa de trobar un acòrdi dins los jorns venents
Pasmens, Varoufakis s’es dich fisançós sus la possibilitat de trobar un acòrdi. “Ai pas cap de dobte que dins las 48 oras venentas, Euròpa reüssirà a nos sometre [un document] per que comencem lo vertadièr trabalh e per qu’adobem un novèl contracte”, çò diguèt ièr lo ministre grèc als mèdias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sortir d'aquesta cova d'Alí Babà e los quaranta ladres de la banca privada europea, e posar-se a batre moneda grega. Què los bancs privats grecs tornin a l'estat tots los diners que los varen deissar e pas donar, amb los interesos corresponents. Que los diners públics sian defensats per llei com lo que son, diners de tot lo poble, e qui rauba al poble, aplicar-li la lei en defensa del diners que son de tots nosaltres. Control del Banc Europeu de deissar diners a bancs privats a bais cost i als estat a costos usurers. Nacionalizar los bancs privats que no tornin pas lo que l'estat los deissà.
Schäuble qualifica lo govèrn de Syriza d’irresponsable e ieu, qualiqui Schäuble d’irresponsable. Mena Euròpa d'una man de fèrre en pretendent respectar la democracia. De qual se trufa ? L'economia dèu èsser lo mejan al servici dels pòbles, e non pas lo contrari : de pòbles al servici (servus = esclau en latin) de la finançalha.
Grècia a refusat una autra proposicion de l’Eurogrop ? normal, Grècia es passada a esquèrra. los elegits grècsson estats elegits per èsser d'esquèrra e o son. Aquò a un nom : se ditz democracia, e son los Grècs que l'inventèron. Los "socio-democratas" europèus que son pas mai dempèi bèl brieu, ni socials ni democratas, mas plan simplament liberals al mesprètz de la volontat democratica que causís de socialistas en los causissent, i deurián préner leiçon.
Ací jo veigui un ministre que defen es interessi deth pòble que l'a votat, dauant un corròp de ministres que defenen es sòs dera banca
#2 Dins la corrupcion, i a un corruptor e un corromput. Es es totjorn en favor del corruptor. E lo mai grand corruptor de Grècia es... Siemens. Una entrepresa alemanda. E qual vendèt d'armas pendent d'annadas a un païs que n'avia pas los mejans? Seria pas d'entrepresas francesas?
Per la solidaritat, avèm salvat las bancas, fa pauc, en lor prestant d'argent o quin taus? 8%? 6%? Non pas, entre 0 et 2% e per Grècia seria diferent? E en mai las bancas que finàncian Grècia actualament (perque Grècia o pot pas manlevar directament a l'UE...), las bancas, disiai manlèva a l'UE entre 0,1 e 0,5 per prestar a Grècia a entre 5 e 9%... Se fan duscas de fortuna amb lo nostre argent de contribuables, e auriam pas lo drech de lor demandar de prestar mens car? (parli pas en mai dels montatges fiscals endecom mai).
Grècia a sa part de responsabilitat. Ara an fach pro d'esforces. An un budget en equilibri, levat los intereses del deute. A nosautres per contra d'anar vèire aqueles que pagan pas las talhas, qu'an d'emplecs fictius, que cumulan de retiradas de cap d'estat e d'activitats professionalas, que devenon "résident belges".
Quand veses la palha dins l'uèlh del tieu fraire...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari