Macarèl, los occitanistas se bolegan dins Gers per aquesta eleccion!
Òm pòt tanben bastir un projècte occitanista sens cap de labelizacion Bastir...
https://www.facebook.com/alternativegauche/posts/913180078712234
"Perqué l’occitan de Gasconha dins lo noste programa ?
La diversitat culturala e linguistica qu'ei ua compausanta fondamentala deu patrimòni de l’umanitat. Cada collectivitat, autanplan com lo governament, qu'a ua responsabilitat dins lo manteniment e lo desvelopament d'aquèra diversitat en sensibilizar, en suscitar e favorisar l’ensenhament e l’expression artistica, en contribuar a la socializacion de la lenga, dins los sos maines de competéncia. Per las suas accions, la collectivitat contribueish au desvelopament d’ua dimension multiculturala de la societat, de natura a desmontar e lutar contre los argumentàris demagogics, extremistas e xenofòbes e las orors engendradas peu concèpt d’ua cultura superiora, d'ua civilizacion superiora… mès tanben de las ideologias qui n'an gessit. Las lengas regionalas son pas lo pròpi deus sols “autoctònes” : son lo ben comun deus e de las qui víven suu lors territòris, que parlèssen la lenga o pas.
Au-delà de l’interèst patrimoniau, aquèsta construccion multiculturala constitueish un mejan de defensa contra lo sistèma neo-liberau qui pren per mira de botar en plaça l’uniformitat reductriça de qui a besonh per se desvelopar. De la medisha manièra que cau deféner la diversitat biologica per sauvaguardar la vida sus la nosta planèta, la diversitat linguistica qu'a d'èsser defenduda per preservar l’inteligéncia contra la pensada unica.
L’occitan n’ei pas une competéncia o ua accion de mei. Integraram aquèra dimension dins la totalitat de las missions de la collectivitat : signalizacion, signaletica, comunicacion, ensenhament, drolets e drolètas e 3au e 4au atge, programacion culturala, ajuda a las associacions, torisme…
Autanlèu la navèra equipa en plaça, prepausaram la desinhacion d'elegits/gidas referents/as per l’occitan qui botaran en plaça ua comission draubèita a las associacions e ciutadans/nas interessats/adas. Un esquèma de desvelopament de l’occitan serà apitat en concertacion dab aquèra comission.
Las accions en favor de l’occitane representan pas un subèr-còst empr'amor que la collectivitat a de miar aquèras accions çaquelà. Suffeish de las concéver en préner en compte la dimension occitana."