Nathalie Gineste es una artista occitana nascuda a Montpelhièr en 1971. Membre de l’Ostal dels Artistas, e rèireneboda del pintor Ludo Chauviac, se formèt a las bèlas arts e faguèt d’estudis d’arts plasticas a l’Universitat de Montpelhièr. Sos estudis li permetèron de desvolopar son interès pels artistas del país del començament del sègle XX.
 
Las òbras de Gineste se caracterizan per la luminositat e la doçor gràcias a l’emplec de tecnicas mixtas. Crèa de texturas e d’efièches de matèria amb de papièr de seda de diferentas colors, trabalhat e empegat sus la tela, en i emplegant la pintura a l’òli per donar una atmosfèra particulara e per cercar de provocar una inquietanta estranhesa dins l’espectator.
 
En 2011 participèt al Percors dels Artistas de Montpelhièr, un eveniment de dobertura dels talhièrs que l’organiza l’associacion Briscart.
 
Tanben trabalha la fotografia e l’art numeric. En mai d’aquò es autora de dos romans e d’articles dins la Revista dels Amics del Musèu Fabre. Son darrièr roman s’entitola Le révolutionnaire occitan, publicat per Chapitre.com.